قازاقستان ەلشىلىكتەر ارقىلى ازاماتتىقتان شىعۋ ءراسىمىن وزگەرتۋدى قاراستىرىپ جاتىر

استانا. KAZINFORM – ق ر سىرتقى ىستەر ءمينيسترىنىڭ 2017-جىلعى 15-قىركۇيەكتەگى «قازاقستان رەسپۋبليكاسىنىڭ شەتەلدەگى مەكەمەلەرىنىڭ قازاقستان رەسپۋبليكاسىنىڭ ازاماتتىعى، قازاقستان رەسپۋبليكاسىنىڭ ازاماتتىعىنان ايىرۋ جانە ايىرۋ ماسەلەلەرى بويىنشا وتىنىشتەردى قابىلداۋ، رەسىمدەۋ جانە قاراۋ جانە قازاقستان رەسپۋبليكاسىنىڭ ازاماتتىعىنا تيەسىلىگىن ايقىنداۋ قاعيدالارىن بەكىتۋ تۋرالى» بۇيرىعىنا وزگەرىستەر مەن تولىقتىرۋلار ەنگىزۋ جوباسى ازىرلەندى.

نەگىزدەمەدە قازاقستان رەسپۋبليكاسىنىڭ ازاماتتىعى ماسەلەلەرى بويىنشا قۇجاتتاردى رەسىمدەۋ ءراسىمىن وڭايلاتۋ جانە بيۋروكراتيادان شىعارۋ ءۇشىن ازاماتتىق ماسەلەلەرى مەن وتىنىشتەر بويىنشا سىرتقى ىستەر مينيسترلىگىنىڭ قورىتىندىسىن جاساۋ قاجەتتىلىگى الىنىپ تاستالاتىنى كورسەتىلگەن. ونىڭ ورنىنا قازاقستان رەسپۋبليكاسىنىڭ شەت ەلدەردەگى مەكەمەلەرى جاساعان قورىتىندىلاردى سىرتقى ىستەر مينيسترلىگىمەن كەلىسۋ ۇسىنىلادى. بۇل ءراسىم ق ر پرەزيدەنتى جانىنداعى ازاماتتىق ماسەلەلەرى جونىندەگى كوميسسيانىڭ جۇمىس ورگانى ق ر پرەزيدەنتى اپپاراتىنىڭ مەملەكەتتىك قۇقىقتىق بولىمىمەن الدىن الا كەلىسىلگەن.

جاڭا رەداكتسياعا سايكەس مينيسترلىك قورىتىندىعا ءمورتاڭبا قويۋ ارقىلى ازاماتتىق ماسەلەلەرى بويىنشا قورىتىندىنى جانە رەسىمدەلگەن قۇجاتتاردى كەلىسەدى.

سونداي-اق، وزگەرىستەر قازاقستان رەسپۋبليكاسىنان تىس جەردە تۇراقتى تۇراتىن قازاقستان ازاماتىنىڭ شەتەلدەگى مەكەمە ارقىلى قازاقستان رەسپۋبليكاسىنىڭ ازاماتتىعىنان شىعۋ تۋرالى وتىنىشىنە قوسا بەرەتىن قۇجاتتار تىزبەسىنە دە قاتىستى. نوتاريالدى كۋالاندىرىلعان وتىنىشكە اتا- اناسىنىڭ كەلىسىمى قوسىلادى. قۇجاتتا اتا-انانى قوسۋ اليمەنت، نەسيە نەمەسە باسقا مىندەتتەمەلەردىڭ بولۋى مۇمكىن ەكەندىگىنە بايلانىستى قاجەت ەكەندىگى تۇسىندىرىلگەن.

قازاقستان رەسپۋبليكاسىنان تىس جەردە تۇراقتى تۇراتىن ادامعا قاتىستى قازاقستان ازاماتتىعىنان ايىرىلۋدى تىركەۋدى شەتەلدەگى مەكەمە مىناداي قۇجاتتار نەگىزىندە جۇزەگە اسىرادى:

- باسقا مەملەكەتتىڭ ازاماتتىعىن قابىلداعان ادامنان قازاقستان رەسپۋبليكاسىنىڭ ازاماتتىعىنان ايىرىلۋدى ەركىن نىساندا تىركەۋ تۋرالى ءوتىنىش نە قازاقستان رەسپۋبليكاسى ازاماتىنىڭ باسقا مەملەكەتتىڭ ازاماتتىعىن العانى تۋرالى شەت مەملەكەتتىڭ ۋاكىلەتتى ورگانىنىڭ رەسمي حاتى؛

- قازاقستان رەسپۋبليكاسى ازاماتىنىڭ پاسپورتى نەمەسە جەكە كۋالىگى (ءتۇپنۇسقا). قازاقستان رەسپۋبليكاسىنىڭ پاسپورتى جانە جەكە كۋالىگى بولماعان نەمەسە جوعالعان جاعدايدا جازباشا تۇسىنىكتەمە نە وسى فاكتىنى راستايتىن وزگە دە قۇجات ۇسىنىلادى؛

- شەت مەملەكەت ازاماتىنىڭ پاسپورتىنىڭ كوشىرمەسى نەمەسە شەتەل ازاماتتىعىن راستايتىن وزگە دە قۇجات.

شەتەلدەگى مەكەمە قازاقستان رەسپۋبليكاسىنىڭ ازاماتتىعىنان ايرىلۋ تىركەلگەن كۇننەن باستاپ 10 جۇمىس كۇنى ىشىندە قازاقستان رەسپۋبليكاسىنىڭ قۇجاتتالعان حالقىنىڭ دەرەكقورىنا مالىمەتتەر ەنگىزۋ ءۇشىن ق ر ىستەر مينيسترلىگىنىڭ «اقپاراتتىق-وندىرىستىك ورتالىعى» رەسپۋبليكالىق مەملەكەتتىك كاسىپورنىن حاباردار ەتەدى.

قازاقستان رەسپۋبليكاسىنىڭ ازاماتىنىڭ جەكە باسىن كۋالاندىراتىن قۇجاتتاردى شەتەلدىك مەكەمە قازاقستان رەسپۋبليكاسىنىڭ ازاماتتىعىنان ايرىلۋ تىركەلگەن كۇننەن باستاپ 1 اي ىشىندە جويۋ ءۇشىن جوعارىدا اتالعان رەسپۋبليكالىق مەملەكەتتىك كاسىپورىنعا جىبەرەدى.

ق ر ازاماتتىعىنان ايرىلۋ تۋرالى انىقتاما بەرۋ تۋرالى ءوتىنىش كەلىپ تۇسكەن كەزدە 5 جۇمىس كۇنى ىشىندە ءتيىستى انىقتامانى رەسىمدەيدى. انىقتامانى رەسىمدەۋ ءۇشىن سالىق كودەكسىنە جانە كونسۋلدىق الىمنىڭ بەكىتىلگەن ستاۆكالارىنا سايكەس كونسۋلدىق الىم الىنادى.

قۇجات «اشىق ن ق ا» سايتىندا 2024-جىلعى 15-مامىرعا دەيىن تالقىلاۋعا ۇسىنىلدى.