قازاقستان ۇكىمەتى قاي ەلگە قانشا قارىز

استانا. KAZINFORM - قارجى مينيسترلىگى قازاقستان ۇكىمەتىنىڭ سىرتقى بورىشى تۋرالى سوڭعى مالىمەتتەردى جاريالادى.

مينيسترلىكتىڭ مالىمەتىنە سۇيەنسەك، ۇكىمەتتىڭ سىرتقى بورىشى 1-قازانداعى جاعداي بويىنشا 7 تريلليون 217 ميلليارد 26 ميلليون 519 مىڭ تەڭگە بولعان.

ونىڭ ىشىندە ەڭ كوپ قارىز حالىقارالىق قايتا قۇرۋ جانە دامۋ بانكى (1,5 تريلليون تەڭگە) مەن ەۋرووبليگاتسيالاردان (4 تريلليون تەڭگە) تارتىلعان.

ەۋروپا قايتا قۇرۋ جانە دامۋ بانكى ورتالىق جانە شىعىس ەۋروپا ەلدەرىنىڭ ۇزاق مەرزىمدى نەسيەلەندىرۋ جونىندەگى ايماقتىق مەملەكەتارالىق بانكى بولىپ ەسەپتەلەدى. شتاب-پاتەرى لوندوندا ورنالاسقان بۇل ۇيىمعا 50 گە جۋىق ەل مۇشە. ونىڭ ىشىندە ت م د ەلدەرى دە بار.

يسلام دامۋ بانكىنە 52 مەملەكەت مۇشە. ولاردىڭ اراسىندا ازەربايجان، قازاقستان، قىرعىز رەسپۋبليكاسى، تاجىكستان، تۇرىكمەنستان دا بار.

ازيا ينفراقۇرىلىمدىق ينۆەستيتسيالار بانكىنە 105 مەملەكەت مۇشە بولىپ كىرگەن. الايدا رەسەي، قىتاي ءۇندىستان ۇشتىگى باسىم داۋىسقا يە.

وسىعان دەيىن ۇكىمەت ۇلتتىق قور اكتيۆتەرىن 100 ميلليارد دوللارعا ۇلعايتۋدى جوسپارلاپ وتىرعانى تۋرالى جازدىق.