قازاقستان جايىقتان كىرمەي قالعان سۋدىڭ ەسەسىن ەرتىستەن تولتىرا الا ما

سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ رەسەي مەن قازاقستاننىڭ جايىق جانە ەرتىس باسسەيندەرىندەگى مۇددەسى تۋرالى پىكىر ءبىلدىردى، دەپ حابارلايدى Kazinform.

жайық ертіс
Фото: Фото: pixabay.coм

«رەسەيدەن بىزگە جايىق ارقىلى بەس جىلدا كەلەتىن سۋدى ەرتىس ارقىلى ءبىر جىلدا قايتارىپ وتىرمىز. سۋ سالاسىن باسقاراتىن مينيستر رەتىندە مۇنى ادىلەتسىزدىك دەپ ويلامايسىز با؟ جايىقتان كىرمەي قالعان سۋدىڭ ەسەسىن ەرتىستىڭ ەسەبىنەن تولتىرۋ تۋرالى ۇسىنىستارعا نە ايتاسىز؟»، - دەپ سۇرادى جۋرناليست مينيستردەن.

نۇرجان نۇرجىگىتوۆ مۇنداي ۇسىنىستار كەلىسسوز ارقىلى عانا شەشىلۋى مۇمكىن ەكەنىن ايتىپ، قىسقا قايىردى.

«ارينە، ەرتىس پەن جايىق ماسەلەسىن ەكى باسسەيندىك ينسپەكسيا قارايدى. ءبارى كەلىسسوز ارقىلى شەشىلەدى. تاعى دا قايتالايمىن، قانداي شەشىم قابىلداساق تا، قازاقستان ءۇشىن ءتيىمدى شەشىم قابىلدايمىز. سوندىقتان، كەزدەسۋلەر دە سول باعىتتا وتەدى»، - دەدى ول.

ۆەدومستۆو باسشىسى رەسەي- قازاقستان اراسىنداعى سۋ قاتىناسىنا باعا بەرە المايتىنىن ايتادى.

«وعان ءبىز باعا بەرە المايمىز. سەبەبى قازىر ءبىز قانداي دا ءبىر شەشىم بولسا دا، قازاقستان ءۇشىن شەشىم قابىلداۋعا تىرىسامىز»، - دەدى مينيستر.

اۆتور

ەسىمجان ناقتىباي

سوڭعى جاڭالىقتار