قازاقستان جاستار قۇراماسى ەۋروپا چەمپيوناتىندا شوتلانديادان باسىم ءتۇستى

استانا. KAZINFORM - فۋتبولدان 21 جاسقا دەيىنگى جاستار قۇراماسى 2025 -جىلعى ەۋروپا چەمپيوناتى ىرىكتەۋ كەزەڭىندەگى سوڭعى ويىنىندا شوتلانديادان باسىم ءتۇستى.

الماتى قالاسىنداعى ورتالىق ستاديوندا وتكەن ماتچتا قازاقستاندىق جاستار قارسىلاسىنان 3:2 ەسەبىمەن باسىم ءتۇستى. دەنيس مامونوۆتىڭ شاكىرتتەرى ايبار ابدۋللا، ادىلبەك جۇماحانوۆ، يان ترۋفانوۆ مەرگەندىك تانىتتى.

قازاقستاندىق جاستار ۆ توبىندا توعىز ۇپاي جيناپ، تۋرنير كەستەسىندە التى قۇراما اراسىندا بەسىنشى ورىنعا جايعاستى. ال شوتلانديا 16 ۇپايمەن ءۇشىنشى ورىنعا تۇراقتادى.

ەسكە سالساق، بۇدان بۇرىن ۇلتتار ليگاسىندا قازاقستان قۇراماسى قاتارىنان ءۇشىنشى مارتە جەڭىلدى.

قازاقستان سلوۆەنيادان سىرت الاڭدا 0:3، ءوز الاڭىندا 0:1 ەسەبىمەن ەسە جىبەردى. سونداي-اق ەل قۇراماسى قازىرگە دەيىن نورۆەگيامەن 0:0 ەسەبىمەن تەڭ ءتۇسىپ، اۋسترياعا 0:4 ەسەبىمەن ويسىراي جەڭىلدى.