قازاقستان حالقىنىڭ سانى 20,5 ميلليوننان استى

استانا. قازاقپارات - 1-اقپانداعى جاعداي بويىنشا ەلىمىزدەگى حالىق سانى 20518005 ادامعا جەتتى. بۇل تۋرالى ۇلتتىق ستاتيستيكا بيۋروسى ءمالىم ەتتى.

قالالىق جەرلەردە 13106358 ادام، اۋىلدىق جەرلەردە 7411647 ادام تۇرادى.

ۇلتتىق ستاتيستيكا بيۋروسىنىڭ دەرەگىنشە، جىل باسىنان بەرى حالىق سانى 18,1 مىڭ ادامعا وسكەن. ونىڭ 15,8 مىڭى تابيعي ءوسىم، 2,3 مىڭى - كوشى-قوننىڭ وڭ سالدوسى ەسەبىنەن.

ەستەرىڭىزگە سالا كەتەيىك، حالىق سانى 20 ميلليونعا 2023 -جىلدىڭ قاراشاسىندا جەتكەن.

بۇعان دەيىن بىلتىر قازاقستانداعى حالىق سانى 195480 ادامعا وسكەنىن جازعان ەدىك.