قازاقستان حالقى جىلىنا قانشا توننا ەت تۇتىنادى

استانا. KAZINFORM - قازاقستان حالقى جىلىنا ورتا ەسەپپەن 1 ميلليون 260 مىڭ تونناداي ەت تۇتىنادى. بۇل تۋرالى Kazinform اگەنتتىگى جولداعان ساۋالعا اۋىل شارۋاشىلىعى مينيسترلىگى جولداعان رەسمي جاۋاپتا ايتىلعان.

- رەسمي ستاتيستيكا دەرەكتەرىنە سايكەس، سوڭعى ءۇش جىلدا ەت تۇرلەرى بويىنشا جىلدىق تۇتىنۋ كولەمى مىنانداي: سيىر ەتى - شامامەن 445,6 مىڭ توننا (2022 ج. - 521,6 مىڭ ت، 2023 ج. - 395,7 مىڭ ت، 2024 ج. - 419,6 مىڭ ت)؛ قوي ەتى - شامامەن 129,9 مىڭ توننا (2022 ج. - 145,3 مىڭ ت، 2023 ج. - 129,2 مىڭ ت، 2024 ج. - 115,2 مىڭ ت)؛ جىلقى ەتى - شامامەن 168,2 مىڭ توننا (2022 ج. - 160,4 مىڭ ت، 2023 ج. - 170,3 مىڭ ت، 2024 ج. - 173,7 مىڭ ت)؛ شوشقا ەتى - شامامەن 68,7 مىڭ توننا (2022 ج. - 86,1 مىڭ ت، 2023 ج. - 62,1 مىڭ ت، 2024 ج. - 57,8 مىڭ ت)؛ قۇس ەتى - شامامەن 447,3 مىڭ توننا (2022 ج. - 430,8 مىڭ ت، 2023 ج. - 460,1 مىڭ ت، 2024 ج. - 452,4 مىڭ ت).

جالپى، ەل تۇرعىندارى جىلىنا شامامەن 1260 مىڭ تونناداي ەت تۇتىنادى، - دەلىنگەن حابارلامادا.

ال 2024 -جىلعى ستاتيستيكا بويىنشا ىشكى نارىقتا جالپى مولشەرى 1234,8 مىڭ توننا ەت ساتىلعان:

سيىر ەتى - 419,6 مىڭ توننا؛
جىلقى ەتى - 173,7 مىڭ توننا؛
قوي مەن ەشكى ەتى - 131,3 مىڭ توننا؛
شوشقا ەتى - 57,8 مىڭ توننا؛
قۇس ەتى - 452,4 مىڭ توننا.

ونىڭ 102 مىڭداي تونناسى ەكسپورتقا جونەلتىلدى. بۇل مالىمەتتەر ەلىمىزدەگى ەت ءوندىرىسى سالاسى ىشكى سۇرانىستى 90 پايىزعا جۋىق قامتيتىنىن كورسەتەدى.

ەلىمىزدە وتكەن جىلى 1 ميلليون 235 مىڭ تونناداي ەت ساۋداعا شىعارىلىپ، ونىڭ 102 مىڭ تونناسى ەكسپورتتالعان.

سونداي-اق اۋىل شارۋاشىلىعى مينيسترلىگى قازاقستاننان قاشان ەۋروپا ەلدەرىنە جانە تۇركياعا ەت ەكسپورتى باستالاتىنىن مالىمدەدى.