قازاقستان حالقى اسسامبلەياسىن دامىتۋدىڭ 2030-جىلعا دەيىنگى تۇجىرىمداماسى بەكىتىلدى
استانا. KAZINFORM - تۇجىرىمداما قازاقستان حالقى اسسامبلەياسىن ودان ءارى دامىتۋدى كوزدەيدى. بۇل تۋرالى اقوردانىڭ باسپا ءسوز قىزمەتى.
- مەملەكەت باسشىسىنىڭ جارلىعىمەن قازاقستان حالقى اسسامبلەياسىن دامىتۋدىڭ 2030 -جىلعا دەيىنگى «بىرلىگىمىز - ءارالۋاندىقتا» تۇجىرىمداماسى بەكىتىلدى. قۇجاتتا قوعامدىق كەلىسىم مەن جالپىۇلتتىق بىرلىكتى قامتاماسىز ەتۋ ماقساتىندا ەلدى ۇيىستىرۋعا باعىتتالعان جاڭا قاعيداتتار مەن تاسىلدەر قاراستىرىلعان، - دەلىنگەن حابارلامادا.
ايتا كەتەيىك، قازاقستان حالقى اسسامبلەياسىنىڭ سەسسياسىندا مەملەكەت باسشىسى قاسىم-جومارت توقايەۆ قازاقستان حالقى اسسامبلەياسىنىڭ 30 جىلدىعى - ەگەمەندىك تاريحىنداعى ايتۋلى وقيعا ەكەنىن ايتتى.
بۇدان بۇرىن پرەزيدەنت جەر قويناۋىن پايدالانۋ كودەكسىنە وزگەرىستەر ەنگىزۋ جونىندەگى قۇجاتقا جانە «تاريحي- مادەني مۇرا وبەكتىلەرىن قورعاۋ تۋرالى» زاڭعا قول قويعانىن جازعانبىز.
