قازاقستان فۋتبول فەدەراتسياسىنىڭ ەكس-پرەزيدەنتى ۇستالدى - انتيكور
استانا. KAZINFORM - انتيكور قازاقستان فۋتبول فەدەراتسياسىنىڭ بۇرىنعى پرەزيدەنتى ەرلان قوجاعاپانوۆ ۇستالدى دەپ حابارلادى سىبايلاس جەمقورلىققا قارسى قىزمەت.
ايتا كەتەيىك، بۇگىنگە دەيىن قوجاعاپانوۆ ق ر پرەمەر-ءمينيسترىنىڭ كەڭەسشىسى قىزمەتىن اتقارىپ كەلدى. ونىڭ الدىندا الماتى قالاسى اكىمىنىڭ ورىنباسارى بولعان. وعان اۋىر سىبايلاس جەمقورلىق قىلمىس جاسادى دەگەن ايىپ تاعىلدى.
«سىبايلاس جەمقورلىققا قارسى قىزمەت سوتقا دەيىنگى تەرگەپ-تەكسەرۋ شەڭبەرىندە قازاقستان رەسپۋبليكاسىنىڭ بۇرىنعى مادەنيەت جانە سپورت ۆيتسە-ءمينيسترى اۋىر سىبايلاس جەمقورلىق قىلمىس جاسادى دەگەن كۇدىكپەن ۇستالعانىن راستايدى. قازىرگى ۋاقىتتا كۇدىكتى الماتى قالاسى پ د ۋ ۇ ي- دا قاماۋعا الىندى»، - دەلىنگەن اتالعان حابارلامادا.
ق ر ق پ ك- ءنىڭ 201-بابىنا سايكەس وزگە دە اقپارات جاريا ەتۋگە جاتپايدى.
ەرلان قوجاعاپانوۆ 2014-2016-جىلدار ارالىعىندا قازاقستان فۋتبول فەدەراتسياسىن باسقارعان. سونداي-اق، «استانا» كاسىپي سپورتتىق كلۋبىنىڭ ديرەكتورى دا بولعان.
