قازاقستان، فرانسيا جانە قىتاي پروفەسسورلارى ءبىر مەزگىلدە وپەراتسيا جاسادى

استانا. قازاقپارات - ق ر دەنساۋلىق ساقتاۋ مينيسترلىگى قازاقستان العاش رەت تەلەكوپىر رەجيمىندە روبوت- اسسيستەنتتەلگەن تەحنولوگيانى قولدانا وتىرىپ، ترانسۇلتتىق وپەراتسياعا قاتىستى. حيرۋرگيالىق ارالاسۋلار فرانسيا، قىتاي جانە قازاقستاننىڭ ونكولوگيا سالاسىنداعى جەتەكشى ماماندارىنىڭ قاتىسۋىمەن ءۇشجاقتى حالىقارالىق ىنتىماقتاستىق فورماتىندا جۇرگىزىلدى.

 وپەراتسيا 2025 -جىلعى 14-20 -شىلدە ارالىعىندا ستراسبۋرگ قالاسىندا (فرانسيا) وتكىزىلەتىن جىل سايىنعى SRS2025 Annual Meeting حالىقارالىق كونگرەسى شەڭبەرىندە ءوتتى جانە روبوتتىق حيرۋرگيا سالاسىنداعى وزىق تاسىلدەرگە ارنالعان. قازاقستاندى قازاق ونكولوگيا ينستيتۋتىنىڭ («قازورعزي» ا ق) كومانداسى تانىستىرىپ، روبوتوحيرۋرگيا بويىنشا ماستەر-كلاسس وتكىزۋدىڭ نەگىزگى الاڭدارىنىڭ ءبىرى بولدى.

تەلەكوپىر رەجيمىندە ەكى جوعارى تەحنولوگيالىق وپەراتسيا جاسالدى:  روبوت- اسسيستيرلەنگەن راديكالدى پروستاتەكتوميا،  روبوت- اسسيستيرلەنگەن اعزانى جانە ونىڭ قىزمەتىن ساقتاي وتىرىپ، بۇيرەك ىسىگىن جويۋ ءۇشىن اعزانى ساقتايتىن وپەراتسيا.

باستاپقى كەزەڭدى فرانسياداعى پروفەسسور ۆيپۋل پاتەل (ا ق ش) ورىندادى. كەلەسى كەزەڭدى پروفەسسور سيۋەسۋن لي (ق ح ر) وتكىزدى. سوڭعى كەزەڭدى قازورعزي ۋرولوگيالىق ونكولوگيا ورتالىعىنىڭ جەتەكشىسى، دوكتور ح. ت. ءومىرزاقوۆ اياقتادى. وپەراتسيالار پاتسيەنتتىڭ دالدىگىن، ەڭ تومەنگى ينۆازيۆتىلىگىن جانە جىلدام وڭالتۋىن قامتاماسىز ەتەتىن جاڭا بۋىن حيرۋرگيالىق جۇيەسىن قولدانۋ ارقىلى ءوتتى. ناقتى ۋاقىت رەجيمىندە وپەراتسيالار بارىسىن قازاقستاننىڭ بارلىق ونكولوگيالىق مەكەمەلەرىنىڭ ماماندارى باقىلاپ وتىردى.