قازاقستان شي جينپيڭنىڭ «ادامزاتتىڭ ورتاق تاعدىرى» قوعامداستىعى يدەياسىن جوعارى باعالايدى

Флаг Китай Казахстан Қытай Қазақстан ту
Фото: Виктор Федюнин/ Kazinform

  استانا. KAZINFORM - قازاقستان شي جينپيڭنىڭ «ادامزاتتىڭ ورتاق تاعدىرى» قوعامداستىعى يدەياسىن جوعارى باعالايدى. بۇل تۋرالى شينحۋا اقپارات اگەنتتىگىنە سۇحبات بەرگەن مەملەكەت باسشىسى قاسىم-جومارت توقايەۆ ايتتى.

«تەرەڭ قايتا قۇرۋ كەزەڭىنە اياق باسقان قازىرگى الەم تۋربۋلەنتتىلىك پەن قايشىلىقتاردىڭ كۇشەيۋىمەن سيپاتتالاتىنىن ايتا كەتكەن ءجون. وكىنىشكە قاراي حالىقارالىق قاۋىپسىزدىكتىڭ ءداستۇرلى ارحيتەكتۋراسى ايتارلىقتاي وزگەرىستەرگە ۇشىراپ، ال، ەلدەر اراسىنداعى سەنىم دەڭگەيى تومەندەۋدە»، - دەدى مەملەكەت باسشىسى.

قازاقستان پرەزيدەنتىنىڭ پايىمىنشا، مۇنداي جاعدايدا ادامزات شىنىمەن دە جاھاندىق قاۋىپسىزدىك پەن الەمدىك ەكونوميكالىق ءوسىمدى قامتاماسىز ەتۋ ءۇشىن شوعىرلاندىرىلعان، ءتيىمدى جانە بارابار ارەكەت ەتۋ شارالارىن ازىرلەۋى كەرەك.

«وسى تۇرعىدا قازاقستان ءتوراعا شي جينپيڭنىڭ قازىرگى حالىقارالىق جاعدايدا جاڭا وزەكتىلىككە يە بولىپ وتىرعان جانە تەڭ ءارى كوپپوليارلى الەمدى قالىپتاستىرۋعا جاردەمدەسۋگە ارنالعان «ادامزاتتىڭ ورتاق تاعدىرى» قوعامداستىعى يدەياسىن جوعارى باعالايدى. قىتايدىڭ جاھاندىق دامۋ، جاھاندىق قاۋىپسىزدىك جانە جاھاندىق وركەنيەت جونىندەگى باستامالارى جاھاندىق قاۋىپسىزدىكتى قامتاماسىز ەتۋگە جانە تۇراقتى دامۋ ماقساتتارىن جۇزەگە اسىرۋعا وراسان زور ۇلەس قوساتىنىنا سەنىمدىمىن»، - دەدى قاسىم-جومارت توقايەۆ.

سوڭعى جاڭالىقتار