قازاقستان شەكاراسىندا ءبىر ايدا زاڭ بۇزعان 4725 ادام ۇستالعان

ۇ ق ك شەكارا قىزمەتى شەكارا كەڭىستىگىندە قازاقستان رەسپۋبليكاسىنىڭ زاڭناماسىن بۇزعان 4725 ادامدى ۇستادى. ونىڭ 4132 ى شەتەل ازاماتى، دەپ حابارلايدى turkystan.kz.

مەملەكەتتىك شەكارا ارقىلى 1462 زاڭسىز الىپ ءوتۋ فاكتىلەرىنىڭ الدى الىندى، سونىڭ ىشىندە:

60 فاكتى - قارۋلار مەن وق-دارىلەر؛

25 فاكتى - ءدىني ادەبيەت (627 دانا)؛

524 فاكتى - جالپى مولشەرى 35 تونناعا جۋىق جانار-جاعارماي ماتەريالدارى؛

682 فاكتى - جالپى سوماسى 4,2 ميلليارد تەڭگەدەن استام حالىق تۇتىنۋ تاۋارلارى؛

171 فاكتى - جالپى سوماسى 1,7 ميلليارد تەڭگەدەن استام شەتەل ۆاليۋتاسى.

كاسپي اكۆاتورياسىندا 51 براكونەرلىك فاكتىنىڭ الدى الىندى، سونداي-اق:

14 دانا - ءجۇزۋ قۇرالدارى؛

شامامەن 20 ك م - توردى قۇرايتىن براكونەرلىك اۋلاۋ قۇرالدارى.

الدى الىنعان زالال سوماسى شامامەن 116 ميلليون تەڭگەنى قۇرايدى.

بۇل فاكتىلەر بويىنشا ماتەريالدار بۇزۋشىلاردى جاۋاپكەرشىلىككە تارتۋ ءۇشىن قۇقىق قورعاۋ جانە سوت ورگاندارىنا جىبەرىلدى.