قازاقستان شەكاراسىنان اۋىر دارىلەردى زاڭسىز وتكىزبەك بولعاندار ۇستالدى

استانا. KAZINFORM - قازاقستاننىڭ مەملەكەتتىك شەكاراسى ارقىلى ءىرى كولەمدەگى اۋىر پرەپاراتتاردى زاڭسىز وتكىزۋ فاكتىسىن انىقتادى. بۇل تۋرالى قارجىلىق مونيتورينگ اگەنتتىگى حابارلادى.

«ءبىر توپ ادام الدىن الا ءسوز بايلاسىپ، ۆيتاميندەر تۇرىمەن جاسىرىلعان، قۇرامىندا ادام ءومىرى مەن دەنساۋلىعىنا اۋىر اسەر ەتەتىن زاتتار بار انابوليكتەردى، ستەرويدتەردى قازاقستاننىڭ مەملەكەتتىك شەكاراسى ارقىلى ا ق ش پەن ەۋروپا ەلدەرىنە جونەلتكەنى انىقتالدى. جەدەل- ىزدەستىرۋ ءىس- شارالارى بارىسىندا ۇيىمداستىرۋشىلار پرەپاراتتاردى ساقتاپ، بۋىپ- تۇيۋمەن اينالىسقان مەكەنجايى تابىلدى»، - دەلىنگەن اگەتتىك حابارلاماسىندا.

206 مىڭعا جۋىق امپۋلا مەن تابلەتكا، سونداي-اق شپريتستەر، جەلىمدەۋگە ارنالعان ستانوك، پوشتا كونۆەرتتەرى، قۇتىلارعا ارنالعان وزدىگىنەن جابىساتىن جاپسىرمالار تابىلىپ، تاركىلەندى.

اتالعان ازاماتتار ۇستالىپ، ولارعا قاتىستى سوت «ءۇي قاماعىنا الۋ» بۇلتارتپاۋ شاراسىن قولداندى. قازىرگى ۋاقىتتا سوتقا دەيىنگى تەرگەۋ جۇرگىزىلۋدە.

ق ر ق پ ك- ءنىڭ 201-بابىنا سايكەس وزگە دە مالىمەتتەر جاريا ەتىلۋگە جاتپايدى.