قازاقستان شاڭحايدا حان ءتاڭىرى يننوۆاتسياسى ورتالىعىن اشتى

استانا. KAZINFORM - بۇل - ورتالىق ەۋرازياداعى ستارتاپتار مەن IT- كومپانيالاردىڭ قىتاي نارىعىنا شىعۋىنا ارنالعان العاشقى ارنايى پلاتفورما، دەپ حابارلادى «Jibek Joly» تەلەارناسى.

بۇل وتاندىق جوبالار الەمدەگى ەڭ ءىرى تۇتىنۋ نارىعىنا قول جەتكىزىپ، حالىقارالىق دەڭگەيدەگى ويىنشىلارعا اينالۋ مۇمكىندىگىنە يە بولادى دەگەن ءسوز. قىتاي مەن ورتالىق ەۋرازيا اراسىندا جاڭا ستراتەگيالىق كوپىر ورنايدى.

يننوۆاتسيالىق حاب قازىردىڭ وزىندە قىتايدىڭ XNode اكسەلەراتورىمەن سەرىكتەستىك ورناتىپ، دامۋ ساتىسى ءارتۇرلى ستارتاپتارعا ارنالعان باعدارلامالاردى ىسكە قوسىپ جاتىر.

- بۇل ورتالىق ءبىزدىڭ ستارتاپ ونىمدەرىمىزدى قىتاي نارىعىندا ىلگەرىلەتۋگە سەپتىگىن تيگىزەتىن ماڭىزدى الاڭ بولادى دەپ ەسەپتەيمىز. بۇل وتە ۇلكەن نارىق. مۇندا كوپتەگەن ەرەكشە دۇنيەلەر جارىققا شىعىپ جاتىر. ءبىزدىڭ ماقسات تەك باتىستى باعىندىرۋ ەمەس، سونىمەن قاتار قىتاي نارىعىن دا مويىنداتۋ. سوندىقتان بارلىق ستارتاپ پەن كاسىپكەرلەردى ءبىزدىڭ IT حابىمىزدى پايدالانۋعا شاقىرامىز، - دەدى سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى جاسلان ماديەۆ.