قازاقستان دۇنيەجۇزىلىك بانكتىڭ پاندەميا قورىنان وتەۋسىز گرانت الدى
استانا. KAZINFORM - ەلوردادا پاندەميا قورىنىڭ گرانتى رەسمي تۇردە ىسكە قوسىلدى. بۇل تۋرالى دەنساۋلىق ساقتاۋ مينيسترىلىگىنىڭ باسپا ءسوز قىزمەتى حابارلادى.
اتالمىش ءىس-شاراعا قازاقستان رەسپۋبليكاسى دەنساۋلىق ساقتاۋ مينيسترلىگى، ب ۇ ۇ- نىڭ ق ر- داعى تۇراقتى ۇيلەستىرۋشىسى ميكاەل فريبەرگ-ستوري، د د ۇ- نىڭ قازاقستانداعى وكىلى دوكتور سكەندەر سىلا، پاندەميا قورىنىڭ اتقارۋشى ديرەكتورى پريا باسۋ جانە ديپلوماتيالىق ميسسيالار وكىلدەرى قاتىستى.
پاندەميا قورىنىڭ قاراجاتى ەلدىڭ دەنساۋلىق ساقتاۋ جۇيەسىنىڭ ەپيدەميولوگيالىق قاداعالاۋ، شەكارالىق باقىلاۋ، زەرتحانالىق قاۋىپسىزدىك، ەرتە انىقتاۋ جانە دەن قويۋ، سونداي-اق پەرسونالدى وقىتۋ سالاسىنداعى مىندەتتەرىن شەشۋگە باعىتتالاتىن بولادى.
د د ۇ- نىڭ قازاقستانداعى ەلدىك وفيسى وسى گرانتتىڭ ەلدە ىسكە اسىرىلۋىن ۇيلەستىرەدى جانە قازاقستان رەسپۋبليكاسى دەنساۋلىق ساقتاۋ مينيسترلىگىنە جالپى تەحنيكالىق قولداۋدى قامتاماسىز ەتەدى.
قازاقستان د د ۇ ەۋروپالىق ءوڭىرىنىڭ 36 ەلىنىڭ بىرىنە اينالدى، ءۇش جىل مەرزىمگە 19 ميلليون ا ق ش دوللارى سوماسىنا ەلدىك گرانت جانە 27 ميلليون ا ق ش دوللارى سوماسىنا كوپ ەلدىك گرانت الدى.
