08:07, 15 - قاڭتار 2024 | GMT +6
قازاقستان «ءبىر قىتاي» قاعيداتىن قولدايدى - س ءى م
قازاقستان سىرتقى ىستەر مينيسترلىگى تايۆانداعى سايلاۋ قورىتىندىسىنا قاتىستى پىكىر جاريالادى، دەپ حابارلايدى Kazinform.
«تايۆاندا وتكەن سايلاۋعا بايلانىستى قازاقستان رەسپۋبليكاسى «ءبىر قىتاي» قاعيداتىن تاباندى تۇردە قولدايتىنىن قايتا مالىمدەيدى جانە قىتاي حالىق رەسپۋبليكاسىنىڭ ۇكىمەتى بۇكىل قىتايدى بىلدىرەتىن جالعىز زاڭدى ۇكىمەت. ال تايۆان قىتاي اۋماعىنىڭ اجىراماس بولىگى ەكەنىن راستايدى. قىتاي حالىق رەسپۋبليكاسى ۇكىمەتىنىڭ ەلدى بەيبىت جولمەن بىرىكتىرۋ جولىنداعى كۇش-جىگەرىن قولدايمىز»، - دەلىنگەن مينيسترلىك حابارلاماسىندا.
تايۆانداعى پرەزيدەنت سايلاۋىندا بيلىكتەگى دەموكراتيالىق پروگرەسسيۆتى پارتيانىڭ (د پ پ) كانديداتى لاي چيڭدە جەڭىسكە جەتكەن بولاتىن. تايۆاندا سونىمەن بىرگە زاڭ شىعارۋشى يۋانعا (پارلامەنتكە) سايلاۋ ءوتتى.
