قازاقستان عارىشكەرى عارىشقا اتتانۋى مۇمكىن

سيفرلىق دامۋ، يننوۆاتسيالار جانە ايەروعارىش ءمينيسترى باعدات مۋسين رەسەيمەن بىرلەسكەن جوبا اياسىندا قازاقستان عارىشكەرىن اشىق عارىشقا شىعارۋ مۇمكىندىگىنە پىكىر ءبىلدىردى، دەپ حابارلايدى Kazinform.

«ءبىزدىڭ باستامامىز بار. قازىرگى كەزەڭدە زەرتتەۋ ينستيتۋتتارىمەن بىرگە قازاقستاندىق زەرتتەۋدى بىرلەسىپ جالعاستىرۋ مۇمكىندىگىن پىسىقتاپ جاتىرمىز. ولار حالىقارالىق عارىش ستانساسىنا ارنالعان 6 باعدارلاما اياسىندا زەرتەۋلەر ءتىزىمىن جاساۋدى جالعاستىرىپ جاتىر. عىلىمي باعدارلاما ىرىكتەلگەننەن كەيىن عانا ءبىز قازاقستان عارىشكەرىن حالىقارالىق عارىش ستانساسىنا جىبەرۋ مەرزىمىن انىقتاپ، جان-جاقتى ءمان-جايىن ايتا الامىز»، - دەدى باعدات مۋسين ۆەدومستۆودا وتكەن بريفينگتە.

ونىڭ اتاپ وتۋىنشە، عارىشكەردى عارىشقا بەكەردەن بەكەر جىبەرە المايمىز. ول ءۇشىن عىلىمي باعدارلاما قاجەت.

«قازىرگى ۋاقىتتا بىرنەشە عىلىمي باعدارلاما جۇرگىزىلىپ جاتىر. ول عىلىمي باعدارلامالار كوميسيا ارقىلى ىرىكتەپ الىنادى. باعدارلاما ىرىكتەلگەننەن كەين سوعان وراي عارىشكەر تاڭدالادى. بۇل جۇمىستى قازىر باستايمىز. بۇگىندە ناقتى مەرزىمىن ايتا المايمىن. وتكەنى ءبارى بيۋدجەتتىك قارجىلاندىرۋعا دا بايلانىستى»، - دەدى مينيستر.

بۇعان دەيىن ءبىرقاتار ب ا ق قازاقستان مەن رەسەي قازاقستاندىق عارىشكەردى عارىشقا ۇشىرۋ مۇمكىندىگىن تالقىلاپ جاتقانىن جازعان ەدى.

اۆتور
مارلان جيەمباي