قازاقستان برازيليادا وتكەن بوكستان الەم كۋبوگىندا ءۇش التىن جەڭىپ الدى
استانا. KAZINFORM - برازيليانىڭ فوس-دۋ-يگۋاسۋ قالاسىندا World Boxing-2025 بوكستان الەم كۋبوگىنىڭ العاشقى كەزەڭى اياقتالدى. فينالدىق سەسسياعا جولداما العان ءۇش وتانداسىمىز دا جەڭىسكە جەتتى.
كۋبوك يەگەرلەرى اتانعان قازاقستاندىقتار:
نۇرسۇلتان التىنبەك (55 كەلىگە دەيىن)،
داۋلەت تولەمىسوۆ (85 كەلىگە دەيىن)،
جازيرا وراقبايەۆا (51 كەلىگە دەيىن).
جالپى ەسەپتە قازاقستان قۇراماسى (8 ەر، 3 ايەل - بارلىعى 11 سپورتشى) ءۇش التىن جانە ءۇش قولا مەدال جەڭىپ الدى.
World Boxing-2025 تۋرنيرىنىڭ بۇل كەزەڭى 31-ناۋرىز بەن 5-ءساۋىر ارالىعىندا ءوتتى. جارىستى 2023-جىلى قۇرىلعان جاڭا حالىقارالىق ۇيىم - World Boxing ۇيىمداستىردى. بۇل فەدەراتسيا بوكستىڭ وليمپيادالىق مارتەبەسىن ساقتاۋ ماقساتىندا قۇرىلعان بولاتىن جانە ول 2024-جىلى حالىقارالىق وليمپيادا كوميتەتى (ح و ك) رەسمي تۇردە مويىنداۋىن توقتاتقان حالىقارالىق بوكس قاۋىمداستىعىنا (IBA) بالاما رەتىندە قۇرىلدى.
برازيلياداعى بۇل تۋرنير - قازاقستان قۇراماسىنىڭ World Boxing ۇيىمى اياسىنداعى العاشقى حالىقارالىق باسەكەسى بولدى.
