قازاقستان بەدەلدى تۋريستىك ماراپاتقا ۇسىنىلدى
استانا. KAZINFORM - قازاقستان جىل سايىنعى بەدەلدى «Wanderlust Reader Travel Awards» سىيلىعىنا ۇمىتكەرلەر تىزىمىنە ەندى، دەپ حابارلايدى Kazakh Tourism باسپا ءسوز قىزمەتى.
ءبىزدىڭ ەلىمىز «ەڭ سۇرانىسقا يە جاڭا باعىت» ساناتىندا ۇسىنىلدى.
ۇلى بريتانيانىڭ تانىمال «Wanderlust» تۋريستىك باسىلىمى جىل سايىن الەمدەگى ەڭ شابىتتاندىراتىن جانە تارتىمدى تۋريستىك باعىتتاردى، ساياحات سالاسىنداعى ۇزدىك سەرۆيستەر مەن قىزمەتتەردى انىقتايدى. وتكەن جىلى قازاقستان «ەڭ سۇرانىسقا يە جاڭا باعىت» ساناتىندا ۇزدىك بەستىككە ەندى.
- بيىلعى داۋىس بەرۋ اشىلدى جانە نيەت بىلدىرۋشىلەر قازاقستاندى پەرسپەكتيۆالىق تۋريستىك باعىت رەتىندە قولداي الادى. ء اربىر داۋىس ماڭىزدى جانە وعان قاتىسۋ ءۇشىن مىنا وسى سىلتەمە بويىنشا ءوتۋ قاجەت. بۇل سايتقا كىرۋ VPN ارقىلى قوسىلۋدى قاجەت ەتۋى مۇمكىن ەكەنىن ەسكەرۋ قاجەت، — دەلىنگەن كومپانيا تاراتقان حابارلامادا.
ايتا كەتەيىك، داۋىس بەرۋ 2025 -جىلدىڭ 17 -قازانىنا دەيىن جالعاسادى. سىيلىقتىڭ جەڭىمپازدارى ونلاين-داۋىس بەرۋ قورىتىندىسى بويىنشا انىقتالادى جانە بيىلعى قاراشا ايىندا لوندوندا جاريالانادى.
بۇعان دەيىن مەملەكەت باسشىسى ۇكىمەتكە تەز ارادا ەلدەگى بارلىق تۋريستىك باعىتتىڭ جاعدايىن رەتتەپ، ولقىلىق جىبەرگەن جاۋاپتىلاردى جازالاۋدى تاپسىرعان ەدى. كۋرورتتىق ايماقتاردى ينسپەكتسيالاۋ جۇمىسى ناتيجەسىندە شارالار قابىلدانىپ، ءبىرقاتار لاۋازىمدى تۇلعالار جاۋاپكەرشىلىككە تارتىلدى.
