قازاقستان ازياداعى ەڭ باقىتتى ەلدەر ۇشتىگىنە كىردى

استانا. قازاقپارات - 2025 -جىلعى دۇنيەجۇزىلىك باقىت تۋرالى ەسەپكە (World Happiness Report) سايكەس، ازيادا قىزىقتى وزگەرىس بايقالادى: وڭتۇستىك-شىعىس ازيا ەلدەرى ءوز ورىندارىن نىعايتىپ جاتسا، قازاقستان وڭىردەگى ەڭ باقىتتى ءۇش ەلدىڭ قاتارىنا ەندى، دەپ جازادى TEMPO. CO.

قازاقستان ازيا بويىنشا ءۇشىنشى ورىندى يەلەنىپ، باقىت دەڭگەيى جوعارى ەلدەر قاتارىنان بەرىك ورىن الدى. بۇل كورسەتكىشتەر الەۋمەتتىك قولداۋ، تاڭداۋ ەركىندىگى جانە سىبايلاس جەمقورلىقتى قابىلداۋ دەڭگەيى سياقتى كريتەريلەر بويىنشا جوعارى باعالاندى. بۇل قازاقستاندا ءومىر ءسۇرۋ ساپاسى مەن ەكونوميكالىق دامۋ قاتار ءجۇرىپ جاتقانىن كورسەتەدى.

2025 -جىلعى ازياداعى ەڭ باقىتتى ەلدەر رەيتينگى

1. تايۆان

2. سينگاپۋر

3. قازاقستان

4. ۆەتنام

5. تايلاند

6. جاپونيا

7. فيليپپين

8. وڭتۇستىك كورەيا

9. مالايزيا

10. قىتاي

وڭتۇستىك- شىعىس ازيادا باقىت دەڭگەيى ارتىپ كەلەدى

• سينگاپۋر ازداپ تومەندەگەنىمەن (2-ورىن)، جوعارى ءومىر ءسۇرۋ دەڭگەيى مەن ءتيىمدى مەملەكەتتىك باسقارۋىمەن ءالى دە الدىڭعى قاتاردا.

• ۆەتنام پەن تايلاند - ايماقتاعى بەرىك مادەني بايلانىس پەن ورتاقتىق سەزىمى ساقتالعان ەلدەر.

• حانوي، حوشيمين جانە بانگكوك سياقتى قالالار تۇرعىنداردىڭ وڭ كوزقاراسىنا ۇلكەن اسەر ەتەدى.

• فيليپپين مەن مالايزيا دا تۇراقتى الەۋمەتتىك جانە مادەني قۇندىلىقتارىمەن ۇزدىك وندىققا ەندى.

ال جاپونيا مەن وڭتۇستىك كورەيا رەيتينگتە ءالى بار، ءبىراق ورىندارى تومەندەگەن. بۇعان سەبەپ رەتىندە - قوعامدا داراشىلدىقتىڭ ارتۋى، بىرگە تاماقتانۋ ءداستۇرىنىڭ سيرەۋى جانە ادامدار اراسىنداعى قارىم-قاتىناستىڭ السىرەۋى ايتىلعان.

ەسكە سالا كەتەيىك، ناۋرىز ايىندا ت م د ىشىندە قازاقستان ەڭ باقىتتى ەل رەتىندە تانىلعان بولاتىن.