قازاقستان ازاماتتارىن يزرايل مەن يراننان ەۆاكۋاتسيالاپ جاتىر
استانا. KAZINFORM - قازاقستان رەسپۋبليكاسىنىڭ سىرتقى ىستەر مينيسترلىگى ۇيلەستىرىلگەن ەۆاكۋاتسيالىق ءىس-شارالار شەڭبەرىندە يزرايلدەن 66 وتانداستى (مىسىر اۋماعى ارقىلى)، يراننان 78 ازاماتتى (ارمەنيا ارقىلى – 73، ازەربايجان - 2، تۇرىكمەنستان - 3) شىعاردى.
بۇل تۋرالى ق ر سىرتقى ىستەر مينيسترلىگىنىڭ باسپا ءسوز قىزمەتى حابارلادى.
يران جانە يزرايلدەگى قازاقستاندىق ديپلوماتتار ءوز ازاماتتارىنا قاجەتتى كونسۋلدىق-قۇقىقتىق كومەكتى قامتاماسىز ەتۋ بويىنشا جۇمىستى جالعاستىرۋدا.
ق ر س ءى م يزرايل، مىسىر جانە ارمەنيا بيلىگىنە ءوز ريزاشىلىعىن بىلدىرەدى، سونداي-اق قازاقستاندىقتاردى ەۆاكۋاتسيالاۋعا قولداۋ كورسەتىپ جۇرگەن يراندىق، ازەربايجان جانە تۇرىكمەن ارىپتەستەرىنە قايتا العىس ايتادى.
- بىرلەسكەن كۇش-جىگەردىڭ ارقاسىندا ازاماتتارىمىز ۇيلەرىنە امان-ەسەن ورالۋعا مۇمكىندىك الۋدا، - دەلىنگەن حابارلامادا.
وسىعان دەيىن ق ر سىرتقى ىستەر مينيسترلىگى يران مەن يزرايلدە جۇرگەن ازاماتتارىنا ەسكەرتۋ جاساعانىن جازدىق.
