قازاقستان ايەلدەر دەنساۋلىعى يندەكسىندە نەشىنشى ورىندا تۇر
استانا. قازاقپارات - Hologic كومپانياسى 142 ەل مەن اۋماقتان 146000 ايەلگە جۇرگىزىلگەن ساۋالناما بويىنشا ايەلدەر دەنساۋلىعىنىڭ جاھاندىق يندەكسىن جاريالادى.
زەرتتەۋگە ارنالعان دەرەكتەر 2023-جىل بويى جينالىپ، 2024-جىلى تالدانعان. ەسكەرىلگەن كريتەريلەرگە الدىن الۋ، ەموتسيونالدىق دەنساۋلىق، نەگىزگى قاجەتتىلىكتەر جانە جەكە دەنساۋلىق كىرەدى.
قازاقستان 142 ەلدىڭ ىشىندە 13-ورىندى يەلەندى.
يندەكس 5 نەگىزگى كريتەريدى قامتيدى:
- پروفيلاكتيكالىق كومەك - 19 (ەڭ تومەنگى كورسەتكىش)؛
- ەموتسيونالدى دەنساۋلىق - 74؛
- دەنساۋلىق جانە قاۋىپسىزدىك كورسەتكىشى - 87 (ەڭ جوعارى)؛
- نەگىزگى قاجەتتىلىكتەر - 53؛
- جەكە دەنساۋلىق - 74.
يندەكستە ايەلدەردىڭ وتكەن جىلى قان قىسىمىنىڭ جوعارىلاۋى، قاتەرلى ىسىك، قانت ديابەتى جانە جىنىستىق جولمەن بەرىلەتىن اۋرۋلارعا سكرينينگتىك تەكسەرۋدەن وتكەن-وتپەگەنىنە بايلانىستى ەلدەردىڭ رەيتينگىسى بەرىلگەن.
ەموتسيونالدىق دەنساۋلىق يندەكسى ايەلدەردىڭ الاڭداۋشىلىق، قايعى، سترەسس جانە اشۋ سياقتى جاعىمسىز ەموتسيالار تاجىريبەسىنە نەگىزدەلگەن ەلدەردى باعالايدى.
دەنساۋلىق پەن قاۋىپسىزدىكتى باعالاۋ ايەلدەردىڭ جالپى ساپالى مەديتسينالىق كومەككە قول جەتكىزۋگە قاناعاتتانۋىنا، ولاردىڭ انا كۇتىمىنىڭ ساپاسىنا كوزقاراسىنا جانە تۇندە جالعىز جۇرگەن كەزدەگى قاۋىپسىزدىك سەزىمىنە نەگىزدەلگەن.
نەگىزگى قاجەتتىلىكتەر تۋرالى دەرەكتەر ايەلدەردىڭ سوڭعى 12 ايداعى وسى قاجەتتىلىكتەردەن قاناعاتتانۋىنا، سونىڭ ىشىندە وتباسىنا ازىق-تۇلىك ساتىپ الۋ جانە باسپانامەن قامتاماسىز ەتۋ مۇمكىندىگىنە نەگىزدەلگەن.
جەكە دەنساۋلىق ينديكاتورى ايەلدەردىڭ دەنساۋلىق ماسەلەلەرىمەن بايلانىستى تاجىريبەسىنە نەگىزدەلگەن ەلدەردى باعالايدى. باعالاۋ ولاردىڭ سوڭعى كۇنى اۋىرسىنۋىن نەمەسە ولاردىڭ كۇندەلىكتى ارەكەتتەرىنە كەدەرگى كەلتىرەتىن قانداي دا ءبىر مەديتسينالىق جاعدايلارى بار-جوعىن سۇراۋ ارقىلى جۇزەگە اسىرىلادى.
ورتالىق ازيا ەلدەرى اراسىندا وزبەكستان 34-ورىنعا يە بولدى، ونىڭ جالپى ۇپايى 60؛ قىرعىزستان - 58 جالپى ۇپايمەن 49-ورىن؛ قازاقستان ەڭ جوعارى - 13-ورىندا، ونىڭ جالپى ۇپايى - 63.
رەيتينگتە جالپى 68 ۇپايمەن تايۆان كوش باستاپ تۇر، ەڭ سوڭعى ورىندى 30 ۇپايمەن اۋعانستان يەلەنگەن.
ەسكە سالا كەتەيىك، فينليانديا، دانيا: الەمدەگى ەڭ باقىتتى ەلدەردىڭ ءتىزىمى جاريالاندى.
