قازاقستان اتىس قارۋىنىڭ قاي ءتۇرىن ءوزى وندىرەدى
ونەركاسىپ جانە قۇرىلىس مينيسترلىگىندەگىلەر اتىس قارۋىنىڭ قاي ءتۇرى وزىمىزدە وندىرىلەتىنىن ايتتى، دەپ حابارلايدى Kazinform.
«بۇگىنگى تاڭدا وتاندىق كاسىپورىن سانالاتىن «باتىس قازاقستان ماشيناقۇراستىرۋ كومپانياسى» ا ق جۇمىس ىستەپ تۇر. بۇل كاسىپورىن ءىرى كاليبرلى «ۋتەس» پۋلەمەتىنىڭ باس ازىرلەۋشىسى بولىپ ەسەپتەلەدى. قارۋدىڭ بۇل ءتۇرىن قارۋلى كۇشتەردىڭ مۇددەسىنە دە، قازاقستان رەسپۋبليكاسىنىڭ وزگە جاۋىنگەرلىك قۇرىلىمدارىنىڭ مۇددەسىنە دە شىعارادى. ەكسپورتتاپ تا وتىر»، - دەلىنگەن رەداكسيا ساۋالىنا جولدانعان جاۋاپتا.
مينيسترلىك مالىمەتىنشە، اتالمىش ءوندىرىستىڭ جەرگىلىكتى ۇلەسى - %95. قارۋ جەرمەن جۇرەتىن، تەڭىزدە جۇزەتىن جانە اۋەدە تومەن ۇشاتىن، جەڭىل قۇرساۋلانعان نىسانالاردى 2 مىڭ مەترگە دەيىنگى قاشىقتىقتان جويا الادى.
مينيسترلىك جاۋابىندا ۇلتتىق زاڭناما بۇدان وزگە مالىمەتتەردى جاريا ەتۋگە رۇقسات بەرمەيتىنى ايتىلعان.
