قازاقستان استىق ەكسپورتىن 58,4 پايىزعا ارتتىردى

استانا. KAZINFORM - «قازاقستان تەمىر جولى» ۇلتتىق كومپانياسىنىڭ مالىمەتىنە سايكەس، 2024-جىلعى قىركۇيەكتەن 2025-جىلعى 10-شىلدەگە دەيىن قازاقستاننان جاڭا ءونىم استىعىنىڭ ەكسپورتى 9,3 ميلليون توننانى قۇرادى.

ق ر اۋىل شارۋاشىلىعى مينيسترلىگى باسپا ءسوز قىزمەتىنىڭ حابارلاۋىنشا، بۇل 2023-2024-جىلدارداعى سايكەس كەزەڭمەن سالىستىرعاندا 58,4 پايىزعا ارتىق.

ەكسپورت كولەمىنىڭ ءوسۋى قازاقستاندىق استىقتىڭ سىرتقى نارىقتاردا جوعارى سۇرانىسقا يە ەكەنىن جانە جەتكىزۋ گەوگرافياسىن كەڭەيتۋ مەن لوگيستيكالىق ينفراقۇرىلىمدى جاڭعىرتۋ باعىتىندا قابىلدانىپ جاتقان شارالاردىڭ تيىمدىلىگىن كورسەتەدى.

ەكسپورتتىڭ نەگىزگى باعىتتارى: وزبەكستان - 3,4 ميلليون توننا (32,8 پايىز)، تاجىكستان - 1,3 ميلليون توننا (45,8 پايىز)، اۋعانستان - 309 مىڭ توننا (49,2 پايىز)، قىرعىزستان - 238 مىڭ توننا (96 پايىز)، يران - 974 مىڭ توننا (17,5 ەسەگە وسكەن)، ازەربايجان - 713 مىڭ توننا (118,8 ەسەگە وسكەن).

ەسكە سالا كەتەيىك، وسىعان دەيىن قازاقستان ءبيدايى قىتاي ارقىلى ۆەتنامعا جەتكىزىلگەنى تۋرالى جازدىق.