قازاقستان ارقىلى بيدايدى ترانزيتتىك تاسىمالداۋعا رەسمي تۇردە رۇقسات ەتىلدى

 3-قاراشادان باستاپ قازاقستان ارقىلى بيدايدى ترانزيتتىك تاسىمالداۋعا رەسمي تۇردە رۇقسات ەتىلدى، دەپ حابارلايدى Kazinform.

اۋىل شارۋاشىلىعى مينيسترلىگى باسپا ءسوز قىزمەتىنىڭ مالىمەتىنشە، 2023 -جىلعى 25-قىركۇيەكتە ليتسەنزيالانعان ەليەۆاتورلاردىڭ، استىق وڭدەۋشىلەردىڭ جانە قۇس شارۋاشىلىعى كاسىپورىندارىنا بيداي اكەلۋدى قوسپاعاندا، ءۇشىنشى ەلدەردەن جانە ەۋرازيالىق ەكونوميكالىق وداق ەلدەرىنەن تەمىر جول كولىگىمەن قازاقستان اۋماعىنا بيداي اكەلۋگە تىيىم سالىنعان.

مينيسترلىك قازاقستان اۋماعى ارقىلى بيدايدى تەمىر جول كولىگىمەن ترانزيتتىك تاسىمالداۋعا شەكتەۋ قويىلمايتىنىن ەسكەرتتى.

بۇل رەتتە، بيدايدى اكەلۋگە ەنگىزىلگەن تىيىم ەكى جاقتى ءتۇسىندىرۋدى قاجەت قىلماۋ ءۇشىن اۋىل شارۋاشىلىعى مينيسترلىگىنىڭ 30.10.23 -جىلعى № 372 بۇيرىعىمەن قازاقستان اۋماعى ارقىلى بيدايدى ترانزيتتىك تاسىمالداۋعا تىيىم سالماۋ بولىگىندە ا ش م- ءنىڭ 2023 -جىلعى 25-قىركۇيەكتەگى № 337 بۇيرىعىنا وزگەرىستەر ەنگىزىلدى.