15:58, 29 - قاراشا 2023 | GMT +6
قازاقستان پالەستيناعا قوسىمشا گۋمانيتارلىق كومەك جىبەرەدى
مەملەكەت باسشىسى قاسىم-جومارت توقايەۆتىڭ تاپسىرماسىنا سايكەس قازاقستان پالەستيناعا قوسىمشا گۋمانيتارلىق كومەك كورسەتەدى، دەپ حابارلايدى Kazinform ۇكىمەتتىڭ باسپا ءسوز قىزمەتىنە سىلتەمە جاساپ.
اتالعان ماسەلە ق ر پرەمەر-ءمينيسترىنىڭ ءبىرىنشى ورىنباسارى رومان سكلياردىڭ توراعالىعىمەن وتكەن ۇكىمەتتىك كوميسسيا وتىرىسىندا تالقىلاندى.
گۋمانيتارلىق كومەككە جالپى سالماعى 38 توننادان اساتىن ازىق-تۇلىك، توسەك-ورىن جابدىقتارى، ءدارى-دارمەك جانە مەديتسينالىق بۇيىمدار كىرەدى. جۇكتەر جاقىن ارادا اۋە كولىگىمەن جونەلتىلەدى.
قازاقستاننىڭ قولداۋى گازا سەكتورىندا بولعان گۋمانيتارلىق اپاتتى جاعدايعا بايلانىستى پالەستيناعا كومەك كورسەتۋگە باعىتتالعان.
بۇعان دەيىن قازاقستان پالەستينا حالقىنا $1 ميلليون كولەمىندە گۋمانيتارلىق كومەك كورسەتكەن بولاتىن.
