13:47, 20 - ءساۋىر 2025 | GMT +5
قازاقستان اۋعانستانعا گۋمانيتارلىق كومەك كورسەتتى
استانا. قازاقپارات - قازاقستان اۋعانستانعا 36 گۋمانيتارلىق كومەك ۆاگونىن جىبەردى. پرەزيدەنت تاپسىرماسىمەن جولدانعان كومەك بالح پروۆينتسياسىنداعى حايراتون ستانسياسىندا اۋعان تاراپىنا تابىستالدى.
جالپى كولەمى 2,2 مىڭ توننا جۇك تەمىرجولمەن جەتكىزىلدى. وندا ازىق-تۇلىك پەن تۇرمىسقا قاجەتتى زاتتار بار. ال دارىلىك زاتتارى بار گۋمانيتارلىق كومەكتىڭ ءبىر بولىگى ۇشاقپەن جىبەرىلەدى. قازاقستاننىڭ اۋعانستانداعى ۋاقىتشا سەنىمدى وكىلى عازيز اقباسوۆتىڭ ايتۋىنشا قازاقستان ەكى ەل اراسىنداعى دوستىق، ساۋدا-ەكونوميكالىق بايلانىستى دامىتۋدى دايەكتى تۇردە قولدايدى. 21 -ساۋىردە پرەمەر-ءمينيستردىڭ ورىنباسارى، ۇلتتىق ەكونوميكا ءمينيسترى سەرىك جۇمانعارين باستاعان دەلەگاتسيا كابۋلعا بارادى.
