قازاقستان اۋعانستانعا اۆتوكولىك ەكسپورتتاماق
الماتى. KAZINFORM - قازاقستان اۋعانستانعا وتاندىق اۆتوكولىكتەردى جەتكىزۋدى جوسپارلاپ وتىر. بۇل تۋرالى الماتىدا وتكەن بيزنەس فورۋمى بارىسىندا ق ر پرەمەر-ءمينيسترىنىڭ ورىنباسارى سەرىك جۇمانعارين ءمالىم ەتتى.
«اۋعان تاراپىنىڭ ۇسىنىسى بويىنشا، ءبىز قازاقستاندا وندىرىلگەن اۆتوكولىك قۇرالدارىن اۋعانستانعا جەتكىزىپ، كەيىننەن ولاردى اۋعانستاندا قىزمەت كورسەتۋ ورتالىقتارىمەن بىرگە ورنالاستىرۋ ماسەلەسىن قاراستىرۋعا دايىنبىز»، - دەدى ول.
2024 -جىلدىڭ ءبىرىنشى جارتىجىلدىعىندا رەسپۋبليكادا جالپى قۇنى 1,6 ميلليارد دوللار بولاتىن 62435 اۆتوكولىك شىعارىلدى.
سەرىك جۇمانعارين اۋعانستان دەلەگاتسياسىنىڭ قازاقستانعا ساپارى قورىتىندىسىنا سايكەس ەكىجاقتى تاۋار اينالىمىن $3 ميللياردقا دەيىن ارتتىرۋ مىندەتى قويىلعان جول كارتاسىنا قول قويىلعانىن جەتكىزدى.
وسىعان دەيىن قازاقستان مەن اۋعانستان اراسىنداعى ساۋدا اينالىم 330,7 ميلليون دوللارعا جەتكەنى تۋرالى جازعان ەدىك.
سونداي-اق اۋىل شارۋاشىلىعى ۆيتسە-ءمينيسترى ەربول تاسجۇرەكوۆ قازاقستان مەن اۋعانستان اۋىل شارۋاشىلىق تاۋار اينالىمىن 1 ميلليارد دوللارعا دەيىن ارتتىراتىنىن ايتقان بولاتىن.
اۆتور
الما مۇقانوۆا
