09:55, 02 - قازان 2023 | GMT +5
قازاقستان 2023 -جىلعى ازيا ويىندارىندا تاعى ەكى كۇمىس مەدال جەڭىپ الدى
بايداركا مەن كانوەدە ەسۋدەن قازاقستان ايەلدەر قۇراماسىنىڭ وكىلدەرى حاڭجوۋداعى ازيا ويىندارىندا ەكى كۇمىس مەدال جەڭىپ الدى.

قازاقپارات بۇل تۋرالى Sports.kz پورتالىنا سىلتەمە جاساپ حابارلايدى.
500 مەتر قاشىقتىققا كانوەدە جۇپتىق ەسۋدەن كوماندالىق سايىستا رۋفينا يسكاكوۆا مەن ماريا بروۆكوۆايا قازاقستاندىق دۋەتى قىتايلىقتاردان عانا ۇتىلىپ، كۇمىس جۇلدەگە يە بولدى. تايلاند ەلىنىڭ ەسۋشىلەرى «قولا» جۇلدە الدى.
ءدال وسىنداي قاشىقتىقتاعى قوس بايداركا جارىسىندا ولگا شمەليەۆا مەن يرينا پودوينيكوۆا دا قىتايدان كەيىن ەكىنشى ورىن السا، وزبەكستان قۇراماسى قولا جۇلدەگەر اتاندى.
وسىلايشا، قازىر قازاقستاننىڭ قورجىنىندا ازيا ويىندارىنىڭ 35 مەدالى بار: ءۇش التىن، جەتى كۇمىس جانە 25 قولا.
قازاقستان 2023 -جىلعى ازيا ويىندارىندا 33-شى مەدال جەڭىپ الدى.