قازاقپارات جاڭا موبيلدى قوسىمشاسىن ىسكە قوستى

استانا. قازاقپارات - Kazinform ءوزىنىڭ موبيلدى قوسىمشاسىن ىسكە قوستى، ول قازىردىڭ وزىندە App Store جانە Google Play ارقىلى قولجەتىمدى.

سيفرلىق تەحنولوگيالار عاسىرىندا Kazinform وقىرمان مەن حالىقارالىق اگەنتتىك رەداكسياسىن جاقىنداستىراتىن قوسىمشانى ۇسىنىپ وتىر.

وقىرمانداردىڭ قاجەتتىلىكتەرى مەن قىزىعۋشىلىقتارىن ەسكەرە وتىرىپ ازىرلەنگەن قوسىمشا Kazinform اۆتورلارى جازاتىن بارلىق التى تىلدىك نۇسقانى قامتىپ وتىر: قازاق، اعىلشىن، ورىس، قىتاي، وزبەك جانە توتە جازۋ. جاڭارتىلعان ديزاين جانە سايت ايدارلارى بويىنشا جاقسارتىلعان ناۆيگاتسيا ءبىر رەت باسۋ ارقىلى قاجەتتى مازمۇندى تابۋعا مۇمكىندىك بەرەدى.

بۇل قاي جەردە بولساڭىز دا، سوڭعى جاڭالىقتاردان حاباردار بولۋدىڭ زاماناۋي ءتاسىلى. Kazinform-مەن بىرگە وقىرماندار الەممەن ۇنەمى بايلانىستا جانە الەمدىك ماڭىزدى وقيعالاردان ۇنەمى حاباردار. بىزگە قوسىلىڭىزدار!

Kazinform حالىقارالىق اقپارات اگەنتتىگى قازاقستان رەسپۋبليكاسى پرەزيدەنتىنىڭ تەلەراديوكەشەنى قۇرامىنا كىرەدى. ح ا ا- دان باسقا ونىڭ قۇرامىنا «Jibek Joly» تەلەارناسى مەن دەرەكتى فيلمدەر ورتالىعى دا كىرەدى.

ق ر پرەزيدەنتىنىڭ تەلەراديوكەشەنى قازاقستان رەسپۋبليكاسى، مەملەكەت باسشىسى قاسىم-جومارت توقايەۆ پەن ۇكىمەت قىزمەتى، سونداي-اق ولار جۇزەگە اسىرىپ وتىرعان رەفورمالار جانە الەۋمەتتىك بادارلامالار بارىسى تۋرالى اقپارات جاساپ، تاراتادى.

اۆتور

زارينا تۋعانبايەۆا