قازاق- قىرعىز شەكاراسىندا تاعى دا 500 جۇك كولىگى جينالىپ قالدى

قازاق- قىرعىز مەملەكەتتىك شەكاراسىنداعى «اقتىلەك- اۆتودوروجنىي» وتكىزۋ پۋنكتىندە جۇك كولىكتەرى تاعى دا كەپتەلىپ قالدى. بۇل تۋرالى قىرعىز رەسپۋبليكاسى ۇ ق م ك شەكارا قىزمەتى ءمالىم ەتتى، دەپ حابارلايدى Kazinform اگەنتتىگى 24.kg سايتىنا سىلتەمە جاساپ.

20-قاراشا 11.00-دەگى جاعداي بويىنشا، «اقتىلەك- اۆتودوروجنىي» باقىلاۋ-وتكىزۋ پۋنكتى الدىندا شەكارا تەكسەرىسىنەن ءوتۋ ءۇشىن 500 جۇك كولىگى كەزەكتە تۇر.

وتكەن تاۋلىكتە قىرعىزستاننان قازاقستانعا 280 اۆتوكولىك كىرگەن.

«وتكىزۋ پۋنكتىندە جۇك كولىكتەرىنىڭ جينالىپ قالۋى - ماۋسىمدىق جاعداي. وعان قىرعىزستاننان اۋىل شارۋاشىلىعى ونىمدەرى، حالىق تۇتىناتىن تاۋارلار ەكسپورتىنىڭ ارتۋى سەبەپ بولادى. سونىمەن قاتار جانۋارلار مىنگەن جانە تەز بۇزىلاتىن ونىمدەرى بار جۇك كولىكتەرى وتكىزۋ پۋكنتىنەن كەزەكسىز ءوتىپ جاتىر. قازاقستان مەن قىرعىزستانىڭ شەكارا قىزمەتى تاراپىنان جۇك كولىكتەرىنە ەشقانداي شەكتەۋ قويىلعان جوق. قازاق-قىرعىز مەملەكەتتىك شەكاراسىنىڭ بارلىق وتكىزۋ پۋنكتى قالىپتى رەجيمدە جۇمىس ىستەپ تۇر» دەلىنگەن حابارلامادا.