قازاق كۇرەسىنەن اقتاۋدا وتەتىن چەمپيوناتقا 500 گە جۋىق بالۋان قاتىسادى

  14-16-قاراشا ارالىعىندا اقتاۋ قالاسىنداعى «حالىق ارەنا» سپورت كەشەنىندە قازاق كۇرەسىنەن ەرەسەكتەر اراسىنداعى قازاقستان رەسپۋبليكاسىنىڭ چەمپيوناتى وتەدى.

چەمپيوناتقا ەلىمىزدىڭ 17 وبلىسى مەن استانا، الماتى جانە شىمكەنت قالالارىنان بارلىعى 500 گە جۋىق بالۋان قاتىسادى، دەپ حابارلايدى Kazinform.

«حالىق- ارەنا» سپورت كەشەنىندە ەرلەر (55, 60, 66, 74, 82, 90, 100, +100, تۇيە بالۋان) مەن ايەلدەر (48, 52, 56, 60, 65, 70, 77, +77) 8 سالماق دارەجەسىندە بەلدەسىپ، كىل مىقتىنى انىقتايدى.

قاتىسۋشىلاردىڭ اراسىندا بۇگىندە ۇلتتىق قۇراما ساپىندا رەسپۋبليكالىق تۋرنيرلەردە ءساتتى ونەر كورسەتىپ، الەمدىك دودالاردا ەل نامىسىن ابىرويمەن قورعاپ جۇرگەن بىلەكتى بالۋاندار دا بار.

اتاپ ايتار بولساق، ءۇش كۇنگە سوزىلاتىن بىرىنشىلىك بارىسىندا جۇماجان قوجامبەكوۆ، بەكجان تولەپوۆ، مارات نيگماتۋللايەۆ، مەيىرجان بەرەكەتوۆ، ەرجان ەرەنقايىپوۆ، ءمادي امانگەلدى، التىنبەك اۋساعيتوۆ، مارات بايقامۇروۆ، نۇرداۋلەت جارىلعاپوۆ، ماقسات يساعابىلوۆ، رۋسلان ءابدىرازاقوۆ، راۋزا نۇرماحاممەتوۆا، زارينا ساريپوۆا، روزا نىسانتاي قىزى سىندى الەم جانە ازيا چەمپيوناتتارىنىڭ، الەم جانە ازيا كۋبوكتورىنىڭ، تۇركياداعى دۇنيەجۇزىلىك كوشپەندىلەر ويىندارىنىڭ، ساۋد ارابياداعى دۇنيەجۇزىلىك جەكپە- جەك ويىندارىنىڭ، «دالا قىراندارى» جانە «قازاقستان بارىسى» رەسپۋبليكالىق تۋرنيرلەرىنىڭ جەڭىمپاز- جۇلدەگەرلەرى باقتارىن سىنايدى.

جارىس ناتيجەسىندە 2024-2025 -جىلعى جاڭا ماۋسىمداعى ۇلتتىق قۇراما جاساقتالماق.