قازاق جول جۇرگەندە ۇستاناتىن ىرىم-تىيىمدار
ءار حالىقتىڭ ءداستۇر-سالتى مەن ءدىني نانىم-سەنىمىنە بايلانىستى ىرىم-تىيىمدارى بار. وقىرمان نازارىنا قازاق حالقىنىڭ جول جۇرگەندە ۇستاناتىن ىرىم- تىيىمدارىن ۇسىنامىز.
- جولدا ءيىر-ءيىر ءىز بولسا، الگى ىزدەن اتتاپ وتپەيدى. نەگە دەسەڭىز، جىلان ءبىر بىرىمەن ايتىسىپ، اپاتقا شىعادى دەگەن ءسوز بار.
- ايەلگە جولاۋشىنىڭ الدىن كەسىپ وتۋگە رۇقسات ەتىلمەيدى.
- جولدا كەزدەسكەن ادامنان «قايدا باراسىڭ؟» دەپ سۇرامايدى، «جول وڭ بولسىن!» دەپ ايتۋ كەرەك.
- ءوتىپ بارا جاتقان قازاقتار اۋىلعا ارت جاعىنان كەلەدى جانە اۋىلدى مەكەندەۋشىلەرمەن ءۇيدىڭ ارت جاعىنان سويلەسەدى، ءبىراق ەشبىر جاعدايدا الدىڭعى جاقتان سەيلەسپەيدى.
جۇكپەن جولعا شىققاندا، ۇيدەن تۇز المايدى. ەركەككە جۇرەلەپ وتىرۋعا بولمايدى، ويتكەنى ول قىرىق ادامنىڭ جولىن بوگەيدى. ەگەر ايەل جۇرەلەپ وتىرسا، وندا ول قىرىق ادامنىڭ جولىن وڭعارادى، ياعني، قىرىق ادامعا باقىت پەن يگىلىك اكەلەدى.
(مالىمەت ءادىل احمەتوۆتىڭ «تۇركى الەمىنىڭ ىرىم- تىيىمدارى» اتتى ەڭبەگىنەن الىندى)
