بولاشاقتا «قازاق فيلم» وتباسىلىق دەمالىس ورتالىعىنا اينالادى - ايدا بالايەۆا

استانا. KAZINFORM - مادەنيەت جانە اقپارات ءمينيسترى ايدا بالايەۆا «قازاق فيلم» كينوستۋدياسىن دامىتۋ جوسپارى جايىندا ايتىپ بەردى.

- پرەزيدەنت قول قويعان زاڭدا «قازاق فيلم» ەندى كينويندۋستريانى دامىتۋعا باعىتتالعان قاراجاتتىڭ %30 ىن تىكەلەي قارجىلاندىرۋ تۇرىندە الۋعا قۇقىلى دەگەن نورما قاراستىرىلعان. بۇل ستۋديا ءۇشىن قارجىلاي تاۋەلسىز بولىپ، ءوز كينوجوبالارىن جوسپارلاپ، جۇزەگە اسىرۋىنا ۇلكەن مۇمكىندىك بەرەدى، - دەدى مادەنيەت ءمينيسترى ۇكىمەت ۇيىندە وتكەن باسپا ءسوز ءماسليحاتىندا.

قازىرگى ۋاقىتتا «قازاق فيلمدى» وتباسىلىق دەمالىس ورتالىعىنا اينالدىرۋعا كومەكتەسەتىن ينۆەستور ىزدەۋ جۇمىستارى ءجۇرىپ جاتىر.

- سول جەردە جەكە كينوتەاتر، جابىق جازعى كينوتەاتر سالساق، «قازاق فيلم» مۋزەيىن قۇرساق، ارنايى تاقىرىپتىق دۇكەندەر مەن باسقا دا نىسانداردى اشساق دەيمىز، - دەدى ا. بالايەۆا.

سونىمەن بىرگە، مينيستر «قازاق فيلمنىڭ» جەرلەرى ساتىلمايتىنىن نەمەسە ءۇشىنشى تۇلعالارعا بەرىلمەيتىنىن اتاپ ءوتتى.

- «قازاق فيلمنىڭ» جەرلەرى تەك وسى ۇيىمدى دامىتۋ ءۇشىن عانا پايدالانىلاتىن بولادى، - دەدى ايدا بالايەۆا.

اۆتور

ايجان سەرىكجان قىزى