قازاق ءتىلىن جاساندى ينتەللەكت ارقىلى دامىتۋ جوباسىنا قارجى بولىنە مە

استانا. KAZINFORM - نازاربايەۆ ۋنيۆەرسيتەتى جانىنداعى اقىلدى جۇيەلەر جانە جاساندى ينتەللەكت ينستيتۋتى (ISSAI) قازاق ءتىلىنىڭ اۋقىمدى مودەلىن (KAZ LLM) دايىنداپ جاتىر.

«بۇل جوباعا بيۋدجەتتەن قارجى بولىنبەيدى، دەمەۋشىلىك قاراجات ەسەبىنەن جۇزەگە اسىرىلىپ جاتىر. «KAZ- LLM» جوباسى جىل سوڭىنا دەيىن قاجەتتى ماتەريالدىق رەسۋرستارمەن جانە ەسەپتەۋ قۋاتتارىمەن قامتىلعان»، - دەدى جاساندى ينتەللەكت كوميتەتىنىڭ ءتوراعاسى عيززات بايتۇرسىنوۆ ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

ونىڭ ايتۋىنشا، اتالعان جوباعا ەكى دەمەۋشى ينۆەستيتسيا قۇيعان.

ايتا كەتسەك، ەلىمىزدە «KAZ-LLM» اتتى قازاق ءتىلىن جاساندى ينتەللەكت ارقىلى دامىتۋدىڭ مودەلى ازىرلەنىپ جاتىر.

جۇيە قولدانۋشىمەن قازاقشا سويلەسىپ، كەز كەلگەن سۇراققا جاۋاپ بەرەدى.

بىرەر كۇن بۇرىن ۇكىمەت 5 جىلدىق جاساندى ينتەللەكتتى دامىتۋ تۇجىرىمداماسىن قابىلداعانى تۋرالى حابارلاعان ەدىك.

اۆتور
داۋلەت ىزتىلەۋ