Qazaq Air استانا-ەكاتەرينبۋرگ باعىتىنداعى اۋە رەيستەرىن ۋاقىتشا توقتاتاتىنىن مالىمدەدى
استانا. قازاقپارات - Qazaq Air اۋەكومپانياسى بيىلعى 28 - جەلتوقسان مەن 2025-جىلعى 27 - قاڭتار ارالىعىندا استانا - ەكاتەرينبۋرگ باعىتى بويىنشا اۋە رەيستەرىن ورىنداۋدى ۋاقىتشا توقتاتۋعا ءماجبۇر ەكەنىن مالىمدەدى.
- رەسەيگە ۇشۋ تاۋەكەلدەرىن ۇنەمى باعالاۋ ناتيجەلەرىنىڭ نەگىزىندە جولاۋشىلار مەن ەكيپاج مۇشەلەرىنىڭ قاۋىپسىزدىگىن قامتاماسىز ەتۋ ماقساتىندا رەيستەر توقتاتىلدى. اۋەكومپانيا قازىرگى ۋاقىتتا Qazaq Air تاۋەكەلدەرىن باعالاۋ شارتتارىنا سايكەس كەلەتىن ومبى مەن نوۆوسىبىرگە رەيستەردى ورىنداۋدى جالعاستىرادى، - دەلىنگەن حابارلامادا.
ەكاتەرينبۋرگكە اۋە رەيستەرىن قايتا اشۋ تاۋەكەلدەردى قايتا باعالاۋ قورىتىندىلارى بويىنشا جۇزەگە اسىرىلاتىن بولادى.
توقتاتىلعان رەيستەردىڭ جولاۋشىلارىنا اۋەبيلەتتەرىنىڭ تولىق قۇنىن قايتارۋ قامتاماسىز ەتىلەدى جانە اۋەكومپانيانىڭ بالامالى رەيستەرىنە تەگىن قايتا برونداۋ ۇسىنىلادى.
بۇعان دەيىن اقتاۋ ماڭىندا باكۋدەن گروزنىيعا باعىت العان ۇشاق اپاتقا ۇشىراعانىن جازعان بولاتىنبىز.
ۇشاق بورتىندا 67 ادام، ونىڭ ىشىندە بەس ەكيپاج مۇشەسى بولعان. وقيعا سالدارىنان 38 جولاۋشى قازا تاپتى.
