«قاز اۆتوجول» ۇ ك» ا ق- نىڭ بۇرىنعى ءتوراعاسى بيۋدجەت قاراجاتىن جىمقىرعانى ءۇشىن سوتتالدى
استانا. KAZINFORM - بۇل تۋرالى باس كولىك پروكۋراتۋارىسىنىڭ باسپا ءسوز قىزمەتىنەن ءمالىم بولدى.
باسپا ءسوز قىزمەتىنىڭ مالىمەتتەرىنە قاراعاندا، استانا قالاسىنىڭ قىلمىستىق ىستەر جونىندەگى اۋدانارالىق سوتى «قازاۆتوجول» ۇ ك» ا ق- نىڭ بۇرىنعى ءتوراعاسى مەن باس مەردىگەرگە قاتىستى «جاقسى- ەسىل - بۋزۋلۋك» اۆتوجولىن كۇردەلى جوندەۋگە، سونىڭ ىشىندە ەسىل وزەنى ارقىلى وتەتىن كوپىردى سالۋعا بولىنگەن 200 ميلليون تەڭگە كولەمىندە مەملەكەت قاراجاتىن جىمقىرعانى ءۇشىن ۇكىم شىعاردى.
كەلىسىمشارتتىڭ زاڭدى بۇزا وتىرى جاسالعانى جانە بەرىلگەن اۆانستىڭ ىسىراپ ەتىلگەندىگى دالەلدەندى. جوبا بويىنشا جۇمىس باستالماعان.
«سوتتالعاندار 8 جىلعا باس بوستاندىعىنان ايىرىلدى. سونىمەن قاتار، سوت مەملەكەتكە كەلتىرىلگەن زالالدى ءوندىرىپ الدى. سوت ۇكىمى زاڭدى كۇشىنە ەنگەن جوق»، - دەلىنگەن حابارلامادا.
