«قاۋىپتى ەسكالاتسيا» - گۋتەرريش تاياۋ شىعىستاعى شيەلەنىستى توقتاتۋعا شاقىردى

استانا. KAZINFORM - ب ۇ ۇ باس حاتشىسى انتونيۋ گۋتەرريش ا ق ش-تىڭ يرانعا قارسى جاساعان ارەكەتتەرىنە بايلانىستى تەرەڭ الاڭداۋشىلىق ءبىلدىرىپ، بۇل جاعدايدى حالىقارالىق قاۋىپسىزدىك پەن تۇراقتىلىققا قاتەر توندىرەتىن قاۋىپتى ەسكالاتسيا رەتىندە باعالادى، دەپ جازدى ب ۇ ۇ- نىڭ رەسمي سايتى.

گۋتەريشتىڭ ايتۋىنشا، قازىرگى جاعداي تەز ارادا باقىلاۋدان شىعىپ، ايماق تۇرعىندارىنا، بەيبىت حالىققا جانە بۇكىل الەمگە اۋىر سالدارى بولۋى مۇمكىن.

- مەملەكەتتەر ب ۇ ۇ جارعىسى مەن حالىقارالىق قۇقىق نورمالارىنا سايكەس ءوز مىندەتتەمەلەرىن ساقتاۋى ءتيىس. داعدارىستى باسەڭدەتۋ - ەڭ باستى مىندەت. بۇل جاعدايدىڭ اسكەري شەشىمى جوق. العا اپارار جالعىز جول - ديپلوماتيا. جالعان ەمەس، جالعىز ءۇمىت - بەيبىتشىلىك، - دەدى باس حاتشى.
سونداي-اق، ول «حاوس سپيرالىن بولدىرماۋعا» شاقىردى.

ەسكە سالا كەتەيىك، ا ق ش يراننىڭ يادرولىق نىساندارىنا سوققى جاساپ، ترامپ وپەراتسيانى ءساتتى دەپ اتاعان بولاتىن.

ارتىنشا دونالد ترامپ ا ق ش يراننىڭ ۋران بايىتۋ نىساندارىن تولىقتاي جويعانىن مالىمدەپ، حالىققا ۇندەۋ جاسادى.