قايتارىلعان اكتيۆتەر ەسەبىنەن اۋىلداردا قانداي الەۋمەتتىك جوبالار جۇزەگە اسۋدا
استانا. KAZINFORM - قايتارىلعان اكتيۆتەردى ءادىل ءارى ءتيىمدى پايدالانۋ جونىندەگى مەملەكەتتىك ساياسات اياسىندا اۋىلدىق ەلدى مەكەندەردە الەۋمەتتىك ماڭىزى بار جوبالار جۇزەگە اسىرىلا باستادى.
اتاپ ايتقاندا، مەملەكەتكە قايتارىلعان اكتيۆتەردەن قالىپتاستىرىلعان ارناۋلى مەملەكەتتىك قور قاراجاتى ەسەبىنەن قاراعاندى وبلىسىنىڭ شەت اۋدانىنا قاراستى ەڭبەكشىل جانە جىلاندى اۋىلدارىندا دارىگەرلىك امبۋلاتوريالار سالىنۋدا. بۇل جوبالار شالعايداعى اۋىل تۇرعىندارىنىڭ العاشقى مەديتسينالىق-سانيتارلىق كومەككە قولجەتىمدىلىگىن ارتتىرۋعا، دەنساۋلىق ساقتاۋ ساپاسىن جاقسارتۋعا جانە ءومىر ءسۇرۋ دەڭگەيىن كوتەرۋگە باعىتتالعان.
سونداي-اق كوكتەنكول اۋدانىندا تۇرعىنداردى تازا اۋىزسۋمەن قامتۋ ماقساتىندا سۋ قۇبىرى جەلىلەرىنىڭ قۇرىلىسى باستالدى. بۇل باستاما وڭىردەگى وزەكتى الەۋمەتتىك ماسەلە - ورتالىقتاندىرىلعان سۋمەن جابدىقتاۋ ماسەلەسىن شەشۋگە مۇمكىندىك بەرەدى.
- باس پروكۋراتۋرا زاڭسىز جولمەن الىنعان اكتيۆتەردى مەملەكەتكە قايتارۋ جانە ولاردى قوعام يگىلىگى ءۇشىن ءتيىمدى پايدالانۋ ىسىنە جۇيەلى تۇردە دەن قويىپ وتىر. قايتارىلعان قاراجات الەۋمەتتىك ينفراقۇرىلىمدى، دەنساۋلىق ساقتاۋ مەن ءبىلىم بەرۋ سالالارىن دامىتۋعا، ازاماتتاردىڭ ءومىر ءسۇرۋ جاعدايلارىن جاقسارتۋعا باعىتتالادى، - دەپ جازدى باقىلاۋشى ورگاننان.
ۆەدومستۆو الداعى ۋاقىتتا دا حالىق مۇددەسىن كوزدەيتىن باستامالاردى جالعاستىرا بەرەتىنىن جانە بۇل جۇمىستار مەملەكەتتىك ينستيتۋتتارعا دەگەن سەنىمدى نىعايتۋعا ىقپال ەتەتىنىن اتاپ ءوتتى.
ايتا كەتەيىك، س ق و- دا قايتارىلعان اكتيۆتەر ەسەبىنەن 30 اۋىلعا سۋ قۇبىرى تارتىلىپ جاتىر.
