قايرات نۇرداۋلەتوۆ «وقجەتپەس» تىزگىنىن ۇستادى

استانا. KAZINFORM - قايرات جۇمابەك ۇلى نۇرداۋلەتوۆ «وقجەتپەس» فۋتبول كلۋبىنىڭ باس باپكەرى اتاندى.

قايرات نۇرداۋلەتوۆ 1982 -جىلى دۇنيەگە كەلگەن. كاسىبي ويىنشى رەتىندە «سسكا- قايرات»، «ەسىل- بوگاتىر»، «ەرتىس»، «قايرات»، «توبىل»، «استانا» جانە «قايسار» كوماندالارىندا ويىن كورسەتتى.

فۋتبولشى مانسابىن اياقتاعاننان كەيىن ۇلتتىق قۇرامانىڭ جاتتىقتىرۋشىلار شتابىنا ەندى. كەيىن قازاقستان جاستار قۇراماسىنىڭ باس باپكەرى قىزمەتىن اتقاردى.

2023 -جىلى تۇركىستان وبلىسىنىڭ «ماقتارال» كلۋبىندا باس باپكەر مىندەتىن اتقارىپ، اتالعان ۇجىمنىڭ پرەمەر- ليگاداعى ورنىن ساقتاپ قالۋعا ۇلەسىن قوستى.
ودان كەيىن تالدىقورعاننىڭ «جەتىسۋ» كومانداسىنىڭ باس باپكەرى بولدى. ونىڭ جەتەكشىلىگىمەن كوماندا 11-ورىنعا تۇراقتادى.

بيىل پاۆلودارلىق «ەرتىس» كومانداسى باس باپكەرى بولىپ، مامىر ايىندا ءوز ەركىمەن قىزمەتتەن كەتتى.

- ەۆروكۋبوككە شىعۋ - ماقساتىمىزدىڭ ءبىرى بولماق. ەڭ از دەگەندە تۋرنيرلىك كەستەدەگى ورىندى ساقتاپ قالۋىمىز كەرەك. بۇرىنعى باس باپكەر مەن باپكەرلىك قۇرامنىڭ كەرەمەت ناتيجەسىن ساقتاي وتىرىپ، الداعى وتەتىن ماتچتاردا تەك جەڭىسكە جەتۋ - باستى مىندەت، - دەپ جازىلعان «وقجەتپەس» كومانداسى تاراتقان حابارلامادا.