قايرات بورانبايەۆتىڭ تاركىلەنگەن مۇلكى قايدا باعىتتالادى

ءماجىلىستىڭ جالپى وتىرىسىنان كەيىن ب ا ق وكىلدەرىنىڭ ساۋالىنا جاۋاپ بەرگەن قارجى ءمينيسترى ەرۇلان جاماۋبايەۆ قايرات بورانبايەۆتىڭ تاركىلەنگەن مۇلكى قايدا باعىتتالاتىنىن ايتتى، دەپ حابارلايدى قازاقپارات ءتىلشىسى.

Боранбаев
Фото: Фото: ҚазАқпарат

«زاڭسىز شىعارىلعان اكتيۆتەردى قايتارۋ زاڭى قابىلداندى. وسى زاڭ اياسىندا ءبىز جاقىندا ارنايى كومپانيا قۇردىق. ەندى بۇل ماسەلەلەرگە ولار باسشىلىق ەتەدى. قاجەت بولسا، ءبىز اقشانى باسقارۋعا بەرەمىز نەمەسە مۇلىكتى وتكىزىپ، اقشانى ارنايى شوتقا اۋدارامىز. ەگەر بۇل ارەكەت (قايرات بورانبايەۆتان تاركىلەنگەن مۇلىك - اۆتور تۇسىندىرمەسى) اتالعان زاڭعا قاتىستى بولماسا، وندا پروتسەسستىك شەشىم بار. تيىسىنشە ودان سوڭ مۇلىكتەر مەملەكەتكە وتەدى»، - دەپ ب ا ق وكىلدەرىنىڭ ساۋالىنا جاۋاپ بەردى ەرۇلان جاماۋبايەۆ.

ەسكە سالايىق، تاياۋدا قايرات بورانبايەۆ تەرگەۋ ورگاندارىمەن مامىلەگە كەلىپ، قۇنى 90 ميلليارد تەڭگەدەن اساتىن اكتيۆتەردى مەملەكەتكە قايتاردى.

اۆتور

ءاليحان اسقار

سوڭعى جاڭالىقتار