قاڭتاردا قانداي سپورت تۇرلەرىنەن پاريج وليمپياداسىنا جولداما ساراپقا سالىنادى

Қаңтарда қандай спорт түрлерінен Париж Олимпиадасына жолдама сарапқа салынады
فوتو: Michel Euler/The AP

2024 -جىلعى پاريج وليمپياداسىنا قازاقستاندىقتاردىڭ قاتىسۋىمەن وتەتىن قانداي سپورت تۇرلەرىنەن جولدامالار ساراپقا سالىناتىنى بەلگىلى بولدى، دەپ حابارلايدى Kazinform.

سپورتتى دامىتۋ ديرەكتسياسىنىڭ حابارلاۋىنشا، بۇگىندە يندونەزيا استاناسى دجاكارتا قالاسىندا نىسانا كوزدەۋدەن ازيا چەمپيوناتى ءوتىپ جاتىر. قۇرلىقتىق دودا 18-قاڭتارعا دەيىن سوزىلادى.

ال 12-22-قاڭتار ارالىعىندا كۋۆەيتتىڭ ەل- كۋۆەيت قالاسىندا ستەند اتۋدان ازيا چەمپيوناتىندا الداعى جازعى وليمپياداعا جولداما بەرىلەدى.

سونداي-اق 20 قاڭتاردا WA ءنورماتيۆى بويىنشا سپورتتىق جۇرۋدەن تۇركيانىڭ اشىق چەمپيوناتى جالاۋىن كوتەرسە، 27-قاڭتاردا استانا قالاسىندا ءامين تۇياقوۆ جۇلدەسىنە ارنالعان الەمدىك تۋرنير بولادى.

پورتۋگاليانىڭ وديۆالوس قالاسىندا 26-28-قاڭتار ارالىعىندا دزيۋدودان ەرلەر مەن ايەلدەر اراسىندا رەيتينگتىك ۇپاي بەرىلەتىن «Grand Prix Portugal» تۋرنيرى وتەدى.

سەمسەرلەسۋ شەبەرلەرى 12-24-قاڭتار ارالىعىندا تۋنيستە قىلىشتاسۋدان باسەكەگە تۇسسە، 29-31-قاڭتار ارالىعىندا كاتار استاناسى دوحا قالاسىندا سەمسەرلەسۋدەن گران-پري وتەدى.

سوڭعى جاڭالىقتار