قاڭتار وقيعاسىنا قاتىستى تەرگەۋ ءالى جالعاسىپ جاتىر
قاڭتار وقيعاسىنا بايلانىستى 1396 ادام سوتتالدى. بۇل تۋرالى باس پروكۋراتۋرادان ءمالىم ەتتى، دەپ حابارلايدى Kazinform.
«قاڭتار وقيعاسىنا قاتىستى تەرگەۋ ءالى جالعاسىپ جاتىر. ق ر قىلمىستىق-پروتسەستىك كودەكستىڭ 201-بابى تالاپتارىنا سايكەس مالىمەتتەر جاريا ەتۋگە جاتپايدى. دەگەنمەن، اتالعان وقيعاعا قاتىسقانى تۋرالى جەتكىلىكتى دالەلدەر الىنعان تۇلعالار قازىرگى ۋاقىتتا قىلمىستىق جاۋاپكەرشىلىككە تارتىلدى. بۇگىندە 1396 تۇلعا، ونىڭ ىشىندە 574 ادام جاپپاي تارتىپسىزدىكتەرگە قاتىسقانى جانە ۇيىمداستىرعانى ءۇشىن سوتتالدى»، - دەلىنگەن باس پروكۋراتۋرانىڭ اگەنتتىك ساۋالىنا بەرگەن جاۋابىندا.
ۆەدومستۆونىڭ ناقتىلاۋىنشا، 574 ادامنىڭ ىشىندە 12 تۇلعا جاپپاي تارتىپتسىزدىكتى ۇيىمداستىرعانى ءۇشىن باس بوستاندىعىنان ايىرىلعان.
«وسىناۋ قايعىلى وقيعا كەزىندە 2960 قارۋ ۇرلاندى. ونىڭ 1 مىڭنان استام تابىلدى. قالعان قارۋدى ىزدەۋ جالعاسىپ جاتىر»، - دەپ ناقتىلادى باس پروكۋراتۋرادان.
