قاڭتار- قاراشا ارالىعىندا جاپونياعا 33 ميلليون شەتەلدىك تۋريست كەلگەن

استانا. KAZINFORM - ۇلتتىق ۆاليۋتانىڭ السىرەۋى اياسىندا جاپونياعا كەلەتىن شەتەلدىك تۋريستەر سانى بويىنشا جاڭا رەكورد ورناتىلدى، دەپ حابارلايدى قازاقپارات Kyodo News اقپارات اگەنتتىگىنە سىلتەمە جاساپ.

جاپونيا ۇلتتىق تۋريستىك ۇيىمىنىڭ مالىمەتىنشە، ولاردىڭ جالپى سانى 33379900 ادامدى قۇرادى، بۇل 2019 -جىلى تىركەلگەن 31,88 ميلليون جىلدىق ماكسيمۋمنان اسىپ ءتۇستى.

قاراشا ايىندا عانا شەتەلدىك تۋريستەر سانى 30,6 پايىزعا ارتىپ، جىلدىق ەسەپتە 3,18 ميلليونعا جەتتى. بيىلعى ءار اي وتكەن جىلدىڭ سايكەس كەزەڭىمەن سالىستىرعاندا كەمىندە 30 پايىزعا وسكەن.

جاپونيامەن اۋە قاتىناسى 2019 -جىلعى دەڭگەيگە ورالعانىن ەسەپكە العاندا، قاراشادا كۇزگى جاپىراقتار ماۋسىمىندا سۇرانىستىڭ ارتۋىنا بايلانىستى تۋريستەر سانى ودان ءارى ءوستى.

ۇيىمنىڭ الدىن الا مالىمەتىنشە، ەلدەر مەن ايماقتار بويىنشا وڭتۇستىك كورەيادان 749500 ادام كەلگەن، بۇل وتكەن جىلمەن سالىستىرعاندا %15,3 عا كوپ.

ال قىتايدان كەلگەن تۋريستەر سانى ەكى ەسەدەن استام ءوسىپ، 546300 ادامعا جەتتى، تايۆان 488400 اداممەن ءۇشىنشى ورىندا (ءوسىم %21)، ودان كەيىن تىزىمدە اقش 247500 اداممەن ا ق ش (%34) تۇر.

ەگەر ەل ۇكىمەتى 2030 -جىلعا قاراي جىل سايىن 60 ميلليون شەتەلدىك تۋريستى تارتۋ ماقساتىنا قول جەتكىزسە، كولىك كەپتەلىسى مەن جەرگىلىكتى تۇرعىندارعا قولايسىزدىق تۋدىراتىن شەتەلدىك تۋريزممەن بايلانىستى پروبلەمالاردى شەشۋ ماڭىزدى بولادى، دەپ جازدى اگەنتتىك.

زارينا تۋعانبايەۆا