18:44, 03 - شىلدە 2024 | GMT +5
قاتار ءامىرى ش ى ۇ سامميتىنە قاتىسۋ ءۇشىن استاناعا كەلدى
استانا. KAZINFORM - شەيح ءتاميم بەن حاماد ءال ءتانيدى ەلورداداعى اۋەجايدا قازاقستان پرەمەر- ءمينيسترى ولجاس بەكتەنوۆ قارسى الدى.
قاتار مەملەكەتى ش ى ۇ ديالوگى بويىنشا ارىپتەس مارتەبەسىنە يە.
ءتيىستى مەموراندۋمعا 2022 -جىلى تاشكەنتتە قول قويىلدى.
بىلتىر قازاقستان مەن قاتار ديپلوماتيالىق قاتىناستارىنىڭ ورناعانىنا 30 جىل تولدى.
قاتار - قازاقستاننىڭ اراب الەمىندەگى ماڭىزدى ساياسي ءارى ەكونوميكالىق سەرىكتەسى.
2023 -جىلدىڭ قورىتىندىسى بويىنشا ەلدەر اراسىنداعى تاۋار اينالىمى شامامەن %50- عا ءوستى.
جوعارى دەڭگەيدە قويىلعان مىندەتكە سايكەس ەكى مەملەكەتتىڭ ۇكىمەتتەرى ءوزارا ساۋدا كولەمىن $500 ميلليونعا دەيىن ۇلعايتۋ باعىتىندا جۇمىس ىستەۋدە.
