قاسىم-جومارت توقايەۆ تو لامدى 1- دارەجەلى «دوستىق» وردەنىمەن ماراپاتتادى
استانا. KAZINFORM - پرەزيدەنت قازاقستان مەن ۆەتنامدى تەرەڭنەن تامىر تارتاتىن دوستىق قارىم- قاتىناس بايلانىستىراتىن اتاپ ءوتتى. بۇل تۋرالى اقوردا ءمالىم ەتتى.
سونىمەن قاتار 1959 -جىلى قازاقستانعا ۆەتنامنىڭ تۇڭعىش پرەزيدەنتى حو شي ميننىڭ كەلگەنىن ەسكە سالدى. بۇل ساپار ەكى ەلدىڭ سان قىرلى ىنتىماقتاستىعىن دامىتۋدىڭ بەرىك نەگىزىن قالاعان ەدى. قاسىم-جومارت توقايەۆ قازاقستان مەن ۆەتنام شىنايى ستراتەگيالىق ارىپتەستىك ورناتقانىن ايتتى.
- ءسىزدىڭ قازاقستانعا مەملەكەتتىك ساپارىڭىزدىڭ تاريحي ماڭىزى زور. بۇل قازاق- ۆەتنام قاتىناسىن دامىتۋدىڭ ماڭىزدى كەزەڭى باستالعانىن كورسەتەدى. بۇگىنگى كەلىسسوزدەر قورىتىندىسى بويىنشا ەكىجاقتى ىنتىماقتاستىقتى جاڭا دەڭگەيگە كوتەرەتىن ستراتەگيالىق سەرىكتەستىك ورناتۋعا كەلىستىك. بۇل ءۇشىن مول پەرسپەكتيۆاعا جول اشاتىن ساياسي ەرىك-جىگەر مەن ساۋدا-ەكونوميكالىق الەۋەت جەتكىلىكتى. ەكى ەل اراسىنداعى دوستىقتى نىعايتۋعا ايرىقشا ۇلەس قوسقانىڭىزدى اتاپ وتكىم كەلەدى. وسى ورايدا سىزگە قازاقستان رەسپۋبليكاسىنىڭ مەملەكەتتىك ناگراداسى - 1- دارەجەلى «دوستىق» وردەنىن تابىستاۋعا رۇقسات ەتىڭىز. قازاقستان مەن ۆەتنام ىقپالداستىعىن ودان ءارى ارتتىرۋعا قولداۋ كورسەتە بەرەسىز دەپ سەنەمىن، - دەدى مەملەكەت باسشىسى.
ۆەتنام كوممۋنيستىك پارتياسى ورتالىق كوميتەتىنىڭ باس حاتشىسى قازاقستاننىڭ ەڭ جوعارى مەملەكەتتىك ناگراداسىن تاپسىرعانى ءۇشىن قاسىم-جومارت توقايەۆ پەن قازاق حالقىنا العىس ايتتى.
- بۇل - مەن ءۇشىن وتە قۇندى ماراپات. ويتكەنى مۇنى ەلدەرىمىزدىڭ ونداعان جىلداردان بەرى جالعاسىپ كەلە جاتقان ىنتىماقتاستىعى مەن تىلەكتەستىگىنىڭ ناتيجەسى ءارى قوس حالىقتىڭ سەنىمى مەن شىنايى سۇيىسپەنشىلىگىنىڭ بەلگىسى دەپ بىلەمىن. قازاقستاننىڭ ءوسىپ- وركەندەۋىنە، ال قازاق حالقىنىڭ باق-بەرەكەسى ارتا بەرۋىنە تىلەكتەسپىن، - دەدى ۆەتنام كومپارتياسى و ك باس حاتشىسى.
بۇعان دەيىن ۆەتنام پرەمەر-ءمينيسترىنىڭ ورىنباسارى، سىرتقى ىستەر ءمينيسترى بۋي تحان شون Kazinform اگەنتتىگىنە ەكسكليۋزيۆ سۇحبات بەرىپ، قازاقستان- ۆەتنام قارىم- قاتىناسىنىڭ جاي- كۇيى جايلى ەگجەي- تەگجەيلى ايتىپ بەرگەن ەدى.
