قاسىم-جومارت توقايەۆ ت م د مەملەكەتتەرى باسشىلارى كەڭەسىنىڭ كەڭەيتىلگەن قۇرامداعى وتىرىسىنا قاتىستى
استانا. KAZINORM - پرەزيدەنت قاسىم-جومارت توقايەۆ تمد مەملەكەتتەرى باسشىلارى كەڭەسىنىڭ كەڭەيتىلگەن قۇرامداعى وتىرىسىنا قاتىستى، دەپ حابارلايدى اقوردانىڭ باسپا ءسوز قىزمەتى.
ت م د مەملەكەتتەرى باسشىلارى كەڭەسىنىڭ كەڭەيتىلگەن قۇرامداعى وتىرىسىنا قازاقستان پرەزيدەنتى قاسىم-جومارت توقايەۆپەن قاتار رەسەي پرەزيدەنتى ۆلاديمير پۋتين، ازەربايجان پرەزيدەنتى يلحام اليەۆ، ارمەنيا پرەمەر-ءمينيسترى نيكول پاشينيان، بەلارۋس پرەزيدەنتى الەكساندر لۋكاشەنكو، قىرعىزستان پرەزيدەنتى سادىر جاپاروۆ، تاجىكستان پرەزيدەنتى ەمومالي راحمون، تۇرىكمەنستان پرەزيدەنتى سەردار بەردىمۇحامەدوۆ، وزبەكستان پرەزيدەنتى شاۆكات ميرزيەيەۆ قاتىستى.
مەملەكەتتەر باسشىلارى ۇيىم قىزمەتىنىڭ باسىم باعىتتارىن، سونداي-اق ءوزارا ءتيىمدى ىنتىماقتاستىقتى ودان ءارى دامىتۋ جونىندەگى جوسپاردى تالقىلادى.
وتىرىستا رەسەي پرەزيدەنتى ۆلاديمير پۋتين، بەلارۋس پرەزيدەنتى الەكساندر لۋكاشەنكو، ت م د- عا مۇشە مەملەكەتتەردىڭ پارلامەنتارالىق اسسامبلەياسىنىڭ ءتوراعاسى، رەسەي فەدەرالدىق جينالىسى فەدەراتسيا كەڭەسىنىڭ ءتوراعاسى ۆالەنتينا ماتۆيەنكو ءسوز سويلەدى.
جيىندا ت م د باس حاتشىسىنىڭ ورىنباسارى يلحوم نەماتوۆقا «دوستىق» وردەنى، ال ت ا س س اقپاراتتىق اگەنتتىگىنىڭ باس ديرەكتورى اندرەي كوندراشوۆقا ت م د گراموتاسى تابىستالدى.
