قاسىم-جومارت توقايەۆ ەۋروپالىق قايتا قۇرۋ جانە دامۋ بانكىنىڭ پرەزيدەنتىمەن كەزدەستى
اتىراۋ. KAZINFORM - قاسىم-جومارت توقايەۆ ەۋروپالىق قايتا قۇرۋ جانە دامۋ بانكىنىڭ پرەزيدەنتى وديل رەنو-باسسومەن كەزدەستى.
بۇل تۋرالى اقوردانىڭ باسپا ءسوز قىزمەتى حابارلادى.
ەكونوميكانىڭ ءتۇرلى سەكتورىنداعى ىنتىماقتاستىق ماسەلەلەرى تالقىلاندى.
2024-جىلى قازاقستان ۇكىمەتى مەن ە ق د ب 935 ميلليون دوللارعا 25 جوبانى قارجىلاندىرۋ تۋرالى كەلىسىمگە قول جەتكىزدى.
وديل رەنو-باسسو ە ق د ب «جاسىل ەكونوميكا» باعدارلامالارىن جۇزەگە اسىرۋعا 2 ميلليارد ەۋرو ينۆەستيتسيا قۇيۋدى جوسپارلاپ وتىرعانى تۋرالى تىڭ مالىمەتتەر بەردى.
قازاقستان پرەزيدەنتى بانك سەكتورىنىڭ وركەندەۋىنە قولداۋ كورسەتكەنى ءۇشىن العىس ايتتى.
قاسىم-جومارت توقايەۆ پەن وديل رەنو-باسسو قارجى سالاسىنداعى جاھاندىق ۇردىستەر جونىندە پىكىر الماستى.
بۇعان دەيىن «ورتالىق ازيا-ەۋروپا وداعى» سامميتى اياسىندا قاسىم-جومارت توقايەۆ پەن ەۋروپالىق كوميسسيا پرەزيدەنتى ۋرسۋلا فون دەر ليايەن كەزدەسۋ وتكىزدى.
