18:42, 29 - مامىر 2025 | GMT +5
قاسىم-جومارت توقايەۆ ەۋروپا كەڭەسىنىڭ باس حاتشىسى الەن بەرسەنى قابىلدادى
استانا. KAZINFORM - مەملەكەت باسشىسى ەۋروپا كەڭەسىنىڭ باس حاتشىسى الەن بەرسەمەن كەزدەستى. بۇل تۋرالى اقوردانىڭ باسپا ءسوز قىزمەتى حابارلادى.
كەزدەسۋدە قازاقستان مەن ەۋروپا كەڭەسى اراسىنداعى جان-جاقتى ىنتىماقتاستىقتى نىعايتۋ پەرسپەكتيۆاسى تالقىلاندى.
پرەزيدەنت ەلىمىزدىڭ ەۋروپالىق ۇيىممەن ءوزارا ىقپالداستىقتى ودان ءارى تەرەڭدەتۋگە بەيىل ەكەنىن راستادى. سونداي-اق قاسىم-جومارت توقايەۆ ادىلەتتى قازاقستان قۇرۋعا باعىتتالعان ساياسي رەفورمالاردىڭ اۋقىمدى باعدارلاماسىن جۇزەگە اسىرۋ بارىسى تۋرالى مالىمەت بەردى.
الەن بەرسە ەۋروپا كەڭەسىنىڭ قازاقستانمەن ءوزارا قارىم-قاتىناس جاساۋعا ازىرلىگىن جەتكىزدى.
