قاسىم-جومارت توقايەۆ قاۋىپسىزدىك كەڭەسىنىڭ وتىرىسىن وتكىزدى
استانا. KAZINFORM - پرەزيدەنت قاسىم-جومارت توقايەۆتىڭ توراعالىعىمەن قازاقستان رەسپۋبليكاسى قاۋىپسىزدىك كەڭەسىنىڭ كەزەكتى وتىرىسى ءوتتى.
جيىندا پرەمەر-ءمينيستردىڭ ورىنباسارى - ۇلتتىق ەكونوميكا ءمينيسترى نۇرلان بايبازاروۆ، قورعانىس ءمينيسترى رۋسلان جاقسىلىقوۆ، ونەركاسىپ جانە قۇرىلىس ءمينيسترى قانات شارلاپايەۆ ەلىمىزدىڭ قورعانىس قابىلەتىن نىعايتۋ شارالارىن جۇزەگە اسىرۋ ماسەلەلەرى تۋرالى بايانداما جاسادى.
قاۋىپسىزدىك كەڭەسى مەملەكەتتىڭ اسكەري الەۋەتىن ارتتىرۋعا بايلانىستى ۇسىنىلعان تاسىلدەر جانە ارميانى زاماناۋي قارۋمەن، اسكەري تەحنيكامەن، سونىڭ ىشىندە وتاندىق قورعانىس كەشەنى كاسىپورىندارى شىعارعان ونىمدەرمەن جاراقتاندىرۋ بويىنشا ءتيىستى شەشىمدەر قابىلدادى.
جيىن سوڭىندا پرەزيدەنت - قاۋىپسىزدىك كەڭەسىنىڭ ءتوراعاسى قاسىم-جومارت توقايەۆ ۇكىمەتكە جانە باسقا دا مۇددەلى مەملەكەتتىك ورگاندارعا ەلىمىزدىڭ اسكەري ۇيىمىن جەتىلدىرۋ باعىتىندا ءبىرقاتار ناقتى تاپسىرما بەردى.
