قاسىم-جومارت توقايەۆ قاتار امىرىمەن كەزدەستى

Akorda
Photo: Akorda

پرەزيدەنت قاسىم-جومارت توقايەۆ ش ى ۇ سامميتىنە قاتىسۋعا ارنايى كەلگەنى جانە قازاقستاننىڭ حالىقارالىق باستامالارىن قولداعانى ءۇشىن قاتار مەملەكەتىنىڭ ءامىرى شەيح ءتاميم بەن حاماد ءال تانيگە العىس ايتتى.

مەملەكەت باسشىسى قاتاردى قازاقستاننىڭ ەڭ جاقىن سەرىكتەستەرىنىڭ ءبىرى رەتىندە اتاپ ءوتىپ، ەكى ەلدىڭ ماقساتتارى ورتاق جانە تىلەۋلەس ەكەنىن ايتتى.

- ءسىزدىڭ ەلىڭىزبەن تىعىز قارىم-قاتىناس جاساۋعا نيەتتى ەكەنىمىزدى اتاپ وتكىم كەلەدى. مەنىڭ دوحاعا جاساعان ساپارىم تۋرالى جاقسى ەستەلىكتەر قالدى. بۇل ەكىجاقتى ىنتىماقتاستىقتى دامىتۋعا تىڭ سەرپىن بەرۋ تۇرعىسىنان ايتۋلى وقيعا بولدى. ءبىز بايلانىستارىمىزدى ستراتەگيالىق سەرىكتەستىك دەڭگەيىنە كوتەردىك. مەنىڭ ساپارىم بارىسىندا وتە ماڭىزدى قۇجاتتارعا قول قويىلدى. قازاقستان ۇكىمەتى وسى كەلىسىمدەردىڭ تابىستى جۇزەگە اسىرىلۋى ءۇشىن قولدان كەلگەننىڭ ءبارىن جاسايدى دەپ ويلايمىن، - دەدى پرەزيدەنت.

Ақорда
Фото: Ақорда

شەيح ءتاميم بەن حاماد ءال ءتاني استاناعا تاعى دا كەلىپ، ش ى ۇ سامميتىنە قاتىسۋ زور مارتەبە ەكەنىن ايتتى.

- ارينە، دوحاعا جاساعان وتە ماڭىزدى ساپارىڭىز ەسىمدە. ءسىز ءوزارا قارىم-قاتىناسىمىزدى ستراتەگيالىق دەڭگەيگە كوتەرگەنىمىزدى ەسكە سالدىڭىز. مەن قارىم-قاتىناسىمىزدى ماقتان تۇتامىن. ەلدەرىمىز ءالى دە اۋقىمدى جۇمىس اتقارۋعا، سونىڭ ىشىندە ەكونوميكالىق جانە ينۆەستيتسيالىق بايلانىستى ودان ءارى نىعايتۋعا ءتيىس، - دەدى قاتار ءامىرى.

اڭگىمە بارىسىندا تاراپتار ساۋدا-ەكونوميكالىق، مادەني-گۋمانيتارلىق، كولىك-لوگيستيكالىق، سونداي-اق اۋىل شارۋاشىلىعى، ەنەرگەتيكا، ءبىلىم بەرۋ، دەنساۋلىق ساقتاۋ جانە تەلەكوممۋنيكاتسيا سالالارىنداعى ەكىجاقتى بايلانىستى نىعايتۋ پەرسپەكتيۆالارىن تالقىلادى.

وڭىرلىك جانە حالىقارالىق كۇن تارتىبىندەگى وزەكتى ماسەلەلەرگە ەرەكشە نازار اۋدارىلدى.

سوڭعى جاڭالىقتار